ലോകത്തിലെ ഏറ്റവും വലിയ പതാക നിര്‍മ്മിച്ചതിന്റെ ഗിന്നസ്‌ റെക്കോര്‍ഡ്‌ പാകിസ്ഥാന്‍ തിരിച്ചുപിടിച്ചു. 29,040 വിദ്യാര്‍ത്ഥികള്‍ ചേര്‍ന്ന്‌ ലാഹോറിലെ നാഷണല്‍ ഹോക്കി സ്റ്റേഡിയത്തില്‍ മനുഷ്യപതാക ഒരുക്കി.
24,000 പേരെ പങ്കാളികളാക്കി മനുഷ്യ പതാക തീര്‍ത്ത്‌ 2012ല്‍ പാകിസ്ഥാന്‍ നേടിയിരുന്നു. എന്നാല്‍ 2013 ല്‍ ബംഗ്ലാദേശ്‌ 27,117 പേരെ ചേര്‍ത്ത്‌ ആ റെക്കോര്‍ഡ്‌ അവര്‍ നേടിയെടുത്തു . ആ റെക്കോര്‍ഡിനെ ഇപ്പോള്‍ വീണ്ടും പാകിസ്ഥാന്‍ മറി കടന്ന്‌ തിരിച്ചു പിടിച്ചു.
കനത്ത മഴയെ അവഗണിച്ചാണ്‌ പാകിസ്ഥാന്‍ വിദ്യാര്‍ത്ഥികള്‍ കൈവിട്ടു പോയ ആ റെക്കാര്‍ഡ്‌ തിരിച്ചു പിടിച്ചത്‌. സര്‍ക്കാരിന്റെ സഹകരണത്തോടെയായിരുന്നു മനുഷ്യ പതാക സംഘടിപ്പിച്ചത്‌ .
ഗിന്നസ്‌ അധികൃതര്‍ പാകിസ്ഥാന്‍ റിക്കോര്‍ഡ്‌ തിരുത്തിയവിവരം സ്ഥിതീകരിച്ചിട്ടുണ്ട്‌ .