CODE 100 പ്രഖ്യാപിച്ച് ഇറാൻ; യുദ്ധം ഉടൻ... DEFCON 1 ടെഹ്റാനിൽ സ്ഫോടനം; IRGC-ക്ക് മുന്നറിയിപ്പ്... എന്തിനും തയ്യാറായിരിക്കുക!
പശ്ചിമേഷ്യയെ വീണ്ടും യുദ്ധഭീതിയുടെ നിഴലിലാഴ്ത്തി ഇറാന്. രാജ്യത്തെ സൈന്യത്തോട് തയാറായിരിക്കാന് നല്കുന്ന ഏറ്റവും ഗൗരവമേറിയ ഏറ്റവും ഉയര്ന്ന സൈനിക ജാഗ്രതാ പ്രോട്ടോക്കോളായ 'കോഡ് 100' പ്രഖ്യാപിച്ചതായി റിപ്പോര്ട്ടുകള്. ഔദ്യോഗികമായി സ്ഥിരീകരിക്കപ്പെട്ടിട്ടില്ലെങ്കിലും, ഇസ്ലാമിക് റവല്യൂഷനറി ഗാര്ഡ് കോര്പ്സ് (ഐ.ആര്.ജി.സി), ഇറാനിയന് ആംഡ് ഫോഴ്സ്, മറ്റ് അര്ധസൈനിക വിഭാഗങ്ങള് എന്നിവയോട് ഏത് നിമിഷവും യുദ്ധത്തിന് സജ്ജരായിരിക്കാന് ടെഹ്റാന് നിര്ദേശം നല്കിയെന്നാണ് അന്താരാഷ്ട്ര വിവരശേഖരണ ശൃംഖലകളും പ്രതിരോധ വിദഗ്ധരും വെളിപ്പെടുത്തുന്നത്. മേഖലയിലെ പെട്ടെന്നുള്ള സൈനിക നീക്കങ്ങളും വിന്യാസങ്ങളും വന്തോതിലുള്ള ഒരു യുദ്ധത്തിലേക്ക് പശ്ചിമേഷ്യ വഴിമാറുകയാണോ എന്ന ആശങ്ക ശക്തമാക്കുന്നുണ്ട്.
പാശ്ചാത്യ രാജ്യങ്ങളുടെ 'ഡെഫ്കോണ് 1' (DEFCON 1) അഥവാ സപൂര്ണ്ണ സൈനിക സന്നദ്ധതയ്ക്ക് സമാനമായ അടിയന്തര പ്രതിരോധ നിലയാണ് ഇറാന്റെ സൈനിക വര്ഗ്ഗീകരണത്തില് 'കോഡ് 100' എന്നറിയപ്പെടുന്നത്. ഈ മുന്നറിയിപ്പ് നിലവില് വരുന്നതോടെ രാജ്യത്തിന്റെ പ്രതിരോധ സംവിധാനങ്ങള് പൂര്ണ്ണമായും യുദ്ധസജ്ജമാകുകയും, മുന്കൂട്ടിയുള്ള ആക്രമണങ്ങളെ ചെറുക്കാനും തല്ക്ഷണം ശക്തമായ തിരിച്ചടി നല്കാനുമുള്ള ഉത്തരവ് സൈന്യത്തിന് ലഭിക്കുകയും ചെയ്യുന്നു. ഔദ്യോഗിക മാധ്യമങ്ങള് ഇക്കാര്യത്തില് മൗനം പാലിക്കുന്നുണ്ടെങ്കിലും ഇറാന്റെ വ്യോമ, കര, നാവിക സേനകള് പരമാവധി ജാഗ്രതയിലാണെന്ന് ഉപഗ്രഹ ചിത്രങ്ങളും തുറന്ന ഉറവിടങ്ങളില് നിന്നുള്ള സൈനിക വിവരങ്ങളും സ്ഥിരീകരിക്കുന്നു.
കോഡ് 100 നിലവില് വന്നതോടെ ഇറാന്റെ ഭൂഗര്ഭ മിസൈല് കേന്ദ്രങ്ങളായ 'മിസൈല് സിറ്റികളില്' നിന്നും മൊബൈല് ലോഞ്ചറുകളില് നിന്നും തന്ത്രപ്രധാനമായ സ്ഥലങ്ങളിലേക്ക് മിസൈലുകള് മാറ്റപ്പെട്ടതായി റിപ്പോര്ട്ടുകളുണ്ട്. ഇതോടൊപ്പം, റഷ്യന് നിര്മ്മിത എസ്-300 സംവിധാനങ്ങളും തദ്ദേശീയമായി വികസിപ്പിച്ച ഖോര്ദാദ്-15, ബാവര്-373 എന്നീ ആന്റി-എയര്ക്രാഫ്റ്റ് ബാറ്ററികളും ഉള്പ്പെടുന്ന ഇറാന്റെ സംയോജിത വ്യോമപ്രതിരോധ ശൃംഖല അതിര്ത്തി മേഖലകളില് സജീവമാക്കിയിട്ടുണ്ട്. ശത്രുക്കളുടെ പെട്ടെന്നുള്ള വ്യോമാക്രമണങ്ങളില് നിന്ന് തന്ത്രപ്രധാന കേന്ദ്രങ്ങളെ സംരക്ഷിക്കുക എന്ന ലക്ഷ്യത്തോടെയാണ് ഈ മുന്നൊരുക്കങ്ങള്.
ഏതെങ്കിലും തരത്തിലുള്ള ഇലക്ട്രോണിക് യുദ്ധമുറകളിലൂടെയോ അല്ലെങ്കില് നേരിട്ടുള്ള ആക്രമണത്തിലൂടെയോ ടെഹ്റാനിലെ കേന്ദ്ര കമാന്ഡ് ആശയവിനിമയ ബന്ധങ്ങള് ത തകര്ന്നാല് പോലും പ്രാദേശിക ഐ.ആര്.ജി.സി കമാന്ഡര്മാര്ക്ക് സ്വയം തീരുമാനമെടുത്ത് തിരിച്ചടി നടത്താന് അനുമതി നല്കുന്ന 'മോറെക് ഡിഫന്സ്' (Mosaic Defence) പ്രോട്ടോക്കോളും ഇതിന്റെ ഭാഗമായി ആക്റ്റിവേറ്റായിട്ടുണ്ട്. അതോടൊപ്പം നടാന്സ്, ഫോര്ഡോ, ഇസ്ഫഹാന് തുടങ്ങിയ ഇറാന്റെ പ്രധാന ആണവനിലയങ്ങള്ക്ക് ചുറ്റുമുള്ള സുരക്ഷ ഏറ്റവും ഉയര്ന്ന നിലയിലേക്ക് ഉയര്ത്തുകയും, ജി.പി.എസ് ജാമിംഗ് ഉള്പ്പെടെയുള്ള മുന്കരുതലുകള് ശക്തമാക്കുകയും ചെയ്തിട്ടുണ്ട്.
യെമനിലെ ഹൂതി വിമതരും സൗദി അറേബ്യയും തമ്മില് പോരാട്ടം കടുക്കുകയും, സൗദി തലസ്ഥാനമായ റിയാദിനെ ലക്ഷ്യമിട്ട് ഹൂതികള് വന്തോതില് ബാലിസ്റ്റിക് മിസൈല്-ഡ്രോണ് ആക്രമണങ്ങള് നടത്തുകയും ചെയ്തതിന് തൊട്ടുപിന്നാലെയാണ് ഈ പുതിയ സംഭവവികാസങ്ങള് ഉണ്ടായിരിക്കുന്നത്. ആക്രമണങ്ങളില് ഭൂരിഭാഗവും പ്രതിരോധിച്ചു തകര്ത്തതായി സൗദി അവകാശപ്പെടുമ്പോഴും, മേഖലയിലെ സ്ഥിതിഗതികള് അതിവേഗം വഷളാകുകയാണെന്ന് യു.എസ് സ്റ്റേറ്റ് ഡിപ്പാര്ട്ട്മെന്റ് വിലയിരുത്തുന്നു. ഇതേത്തുടര്ന്ന് പശ്ചിമേഷ്യയിലുള്ള അമേരിക്കന് പൗരന്മാരോട് കടുത്ത ജാഗ്രത പാലിക്കാനും അടിയന്തര യാത്രകള്ക്ക് തയ്യാറായിരിക്കാനും യു.എസ് നിര്ദേശം നല്കിയിട്ടുണ്ട്.
https://www.facebook.com/Malayalivartha
