യുദ്ധാനന്തര ജര്‍മനിയിലെ ഏറ്റവും വലിയ ഒഴിപ്പിക്കലിന് ക്രിസ്മസ് ദിനം സാക്ഷ്യം വഹിച്ചു. ലോകമഹായുദ്ധ കാലത്ത് ഉപയോഗിച്ച, പൊട്ടാതെ കിടന്ന ബ്രിട്ടീഷ് ബോംബ് നിര്‍വീര്യമാക്കുന്നതിനായിരുന്നു ഓഗ്‌സ്ബുര്‍ഗിലെ ഒഴിപ്പിക്കല്‍. പ്രദേശവാസികളായ 54,000 പേരെയാണ് ഒഴിപ്പിച്ചത്.

മുപ്പതിനായിരം കുടുംബങ്ങളില്‍ നിന്നുള്ളവരാണിവര്‍. നിര്‍മാണ പ്രവര്‍ത്തനങ്ങള്‍ക്കായി കുഴിയെടുത്തപ്പോഴാണ് പൊട്ടാതെ കിടന്ന 1.8 ടണ്‍ ഭാരമുള്ള ബോംബ് കിട്ടിയത്. ആളുകളെ 1.5 കിലോമീറ്റര്‍ അകലേയ്ക്കാണ് മാറ്റിയിരിക്കുന്നത്. സ്‌കൂളുകളിലും മറ്റുമാണ് ഇവരെ താമസിപ്പിച്ചത്.