പാകിസ്ഥാനിലെ വനിതാ എം പിക്ക് പാര്ലമെന്റില് ലൈംഗിക പീഡനം; സംഭവത്തില് നടപടി ഉണ്ടായില്ലെങ്കില് ആത്മഹത്യചെയ്യുമെന്ന് ഭീഷണി
പാകിസ്ഥാനിലെ വനിതാ എംപിക്ക് പാര്ലമെന്റില് ലൈംഗിക പീഡനം. സ്ത്രീകളെ പരിരക്ഷിക്കുന്നതിനുള്ള നിയമം കൊണ്ടുവരാനുള്ള പ്രചാരണം നടത്തിയതിനാണ് സിന്ധ് പ്രവിശ്യയിലെ എംപി നുസ്റത്ത് സഹര് അബ്ബാസിനെ പ്രവിശ്യയിലെ മന്ത്രിയായ ഇംദാദ് പിതാഫി സഭയിലെ അദ്ദേഹത്തിന്റെ ചേംബറിലേക്ക് വിളിപ്പിച്ച് അപമാനിച്ചത്.
എംപിയോട് കയര്ത്ത് സംസാരിച്ച മന്ത്രി ലൈംഗീക വിമര്ശനവും നടത്തിയെന്നാണ് ആരോപണം. എന്നാല് ഈ അവസരത്തില് സഭയിലുണ്ടായിരുന്ന വനിതാ ഡെപ്യൂട്ടി സ്പീക്കര് സംഭവത്തില് യാതൊരു നടപടിയും സ്വീകരിച്ചില്ലെന്ന് നുസ്റത്ത് സഹര് അബ്ബാസി പറഞ്ഞു. സംഭവത്തില് നടപടി ഉണ്ടായില്ലെങ്കില് ആത്മഹത്യചെയ്യുമെന്ന് ഭീഷണി മുഴക്കി സഹര് അബ്ബാസ് സോഷ്യല് മീഡിയയില് പെട്രോള് കുപ്പി പിടിച്ചുള്ള ഫോട്ടോ പോസ്റ്റ് ചെയ്തു.
ഫോട്ടോ സോഷ്യല് മീഡിയയില് പ്രചരിച്ച് പ്രതിഷേധമുയര്ന്നതോടെ ഭരണകക്ഷി പാര്ട്ടി നേതാക്കള് സംഭവത്തില് ഇടപെടുകയും മന്ത്രി സഭയില് മാപ്പുപറയുമെന്ന് സഹര് അബ്ബാസിക്ക് ഉറപ്പു നല്കുകയും ചെയ്തു. ഇതോടെ സംഭവം തല്ക്കാലം അവസാനിച്ചതായി സഹര് അബ്ബാസി അറിയിച്ചു. സ്ത്രീകളെ പരിരക്ഷിക്കുന്നതിനുള്ള നിയമം നടപ്പാക്കാന് ആവശ്യപ്പെടുമ്ബോള് ലൈംഗീകപരമായി അപമാനിക്കുന്നതില് നിഗൂഢതയുണ്ടെന്നും സഹര് ആരോപിച്ചു. ഈ നിയമം നടപ്പാക്കുന്നത് ഒരു സ്വപ്നമായി തുടരും. പാര്ലമെന്റില് പോലും സ്ത്രീകള് സുരക്ഷിതരല്ല എന്നാണ് ഈ സംഭവം വ്യക്തമാക്കുന്നത്.
സ്ത്രീകള്ക്കു നേരെയുള്ള ആസിഡ് ആക്രമണങ്ങളും കൊലപാതകങ്ങളും പാകിസ്ഥാനില് സര്വ്വസാധാരണമായിക്കൊണ്ടിരിക്കുകയാണ്. അടുത്തിടെ സ്ത്രീകളെ സംരക്ഷിക്കുന്നതിനുള്ള നിരവധി നിയമങ്ങള് നിലവില് വന്നു. എന്നാല് അധികൃതര് കേസുകളില് കാര്യക്ഷമമായി ഒന്നും ചെയ്യുന്നില്ലെന്നും സഹര് പറഞ്ഞു.
https://www.facebook.com/Malayalivartha
