പറക്കും ടാക്സികള്; ലോകത്തിലെ ഏറ്റവും സ്മാര്ട്ടായ നഗരമായി മാറാന് ദുബായ്
ടാക്സികള് നിലത്തിലൂടെ ഓടുന്നതല്ലേ നമ്മള് കണ്ടിട്ടുള്ളു എന്നാലിതാ പറക്കും ടാക്സികള് വരുന്നു. ഇവിടെയല്ല അങ്ങുദുബായില്. ആകാശം കീഴടക്കാനായി പറക്കും ടാക്സികള് ഒരുങ്ങിക്കഴിഞ്ഞു. പറക്കും ടാക്സികളുടെ പരീക്ഷണറക്കല് ഈ വര്ഷം അവസാനത്തോടെ നടത്തുമെന്ന് റോഡ് ട്രാന്സ്പോര്ട്ട് അതോറിറ്റി വ്യക്തമാക്കി. പറക്കും ടാക്സികള് സംബന്ധിച്ച് ജര്മ്മന് കമ്പനിയായ വോളോകോപ്റ്ററുമായി കരാറില് എത്തിയതായും ദുബായ് ആര്ടിഎ അറിയിച്ചു.
രണ്ട് പേര്ക്ക് സഞ്ചരിക്കാന് കഴിയുന്ന രീതിയിലുള്ള സ്വയംനിയന്ത്രിത പേടകത്തിന്റെ പരീക്ഷണത്തിനാണ് ദുബായി ആര്ടിഎ ഒരുങ്ങുന്നത്. ഈ വര്ഷം അവസാനത്തോടുകൂടി പറക്കും ടാക്സികളുടെ പരീക്ഷണപറക്കല് ആരംഭിക്കും. ദുബായിയുടെ കാലാവസ്ഥയില് പറക്കും പേടകത്തിന്റെ സാങ്കേതിക പരിശോധനയാണ് ഈ വര്ഷം അവസാനം മുതല് ആരംഭിക്കുക.
പറക്കും ടാക്സിയുടെ സുരക്ഷയും പരീക്ഷിച്ച് ഉറപ്പ് വരുത്തും. വൈദ്യുതിയില് പ്രവര്ത്തികക്കുന്ന പറക്കും ടാക്സികള്ക്ക് പതിനെട്ട് റോട്ടറുകളാണ് ഉണ്ടാകുക എന്നും ആര്ടിഎ അധികൃതര് വ്യക്തമാക്കുന്നു. മണിക്കൂറില് നൂറ് കിലോമീറ്റര് വരെയായിരിക്കും പരമാവധി വേഗത. രണ്ട് മീറ്റര് ഉയരവും എഴ് മീറ്റര് വീതിയുമായിരിക്കും പേടകത്തിന് ഉണ്ടാകുക. പാരച്യൂട്ട് അടക്കമുള്ള സുരക്ഷ സംവിധാനങ്ങളും പറക്കും ടാക്സിയില് ഉണ്ടാകും. സ്വയംനിയന്ത്രിത ആകാശവാഹനങ്ങള് നിര്മ്മിക്കുന്ന പ്രമുഖ ജര്മ്മന് കമ്പനിയായ വോളോകോപ്റ്ററുമായി ചേര്ന്നാണ് ആര്ടിഎ പറക്കും ടാക്സികള് യാഥാര്ത്ഥ്യമാക്കുന്നത്. ദുബായിയെ ലോകത്തിലെ ഏറ്റവും സ്മാര്ട്ടായ നഗരമാക്കി മാറ്റുന്നതിനുള്ള യുഎഇ വൈസ് പ്രസിഡന്റും പ്രധാനമന്ത്രിയും ദുബായി ഭരണാധികാരിയും ആയ ഷെയ്ഖ് മുഹമ്മദ് ബിന് റാഷിദ് അല് മക്തുമിന്റെ നിര്ദ്ദേശത്തിന്റെ അടിസ്ഥാനത്തിലാണ് ആര്ടിഎ പറക്കും ടാക്സികള് തയ്യാറാക്കുന്നത്. 2030 ആകുമ്പോഴേക്കും ദുബായിയിലെ മൊത്തം യാത്രസൗകര്യങ്ങളുടെ ഇരുപ്പത്തിയഞ്ച് ശതമാനവും സ്വയംനിയന്ത്രിതമാക്കുക എന്ന ലക്ഷ്യമണ് ഈ പദ്ധതിക്ക് പിന്നില്.
https://www.facebook.com/Malayalivartha
