അഫ്ഗാനിസ്ഥാനിലെ താലിബാന്‍ ആക്രമണത്തില്‍ ഇന്ത്യന്‍ സ്ഥാനപതി നിലപാട് വ്യക്തമാക്കി. അവിടെ നടന്ന ആക്രമണം ആക്രമണം ഇന്ത്യ പുനര്‍നിര്‍മിച്ച സല്‍മ അണക്കെട്ടിനു നേര്‍ക്കായിരുന്നില്ലെന്ന് അഫ്ഗാനിലെ ഇന്ത്യന്‍ സ്ഥാനപതി അറിയിച്ചു. ചില മാധ്യമങ്ങള്‍ ആക്രമണം അണക്കെട്ടിനു നേര്‍ക്കാണ് എന്ന വാര്‍ത്ത നല്‍കിയിരുന്നു. അതിനെ പറ്റി താന്‍ നേരിട്ട് അന്വേഷിച്ചു എന്നും. ഡാമിനു നേര്‍ക്കായിരുന്നില്ല ആക്രമണമെന്നും ഇന്ത്യന്‍ സ്ഥാനപതി മന്‍പ്രീത് വോറ അറിയിച്ചു.

ഹെറാത് പ്രവിശ്യയിലെ ചിസ്റ്റ് ഇ ഷരീഫ് ജില്ലയില്‍ ചെക്ക് പോസ്റ്റിനു നേര്‍ക്കായിരുന്നു ആക്രമണം നടന്നത്. 10 സുരക്ഷാ ജീവനക്കാരാണ് ആക്രമണത്തില്‍ കൊല്ലപ്പെട്ടത്. നാലു പേര്‍ക്ക് പരിക്കേറ്റു. ശനിയാഴ്ച രാത്രിയായിരുന്നു സംഭവം നടന്നത്. ആക്രമണം നടന്ന സ്ഥലം സല്‍മ അണക്കെട്ടില്‍നിന്നും 13 കിലോമീറ്റര്‍ അകലെയാണ് സ്ഥിതിചെയ്യുന്നത്.

ഇന്ത്യന്‍ പ്രധാനമന്ത്രി നരേന്ദ്ര മോദിയും അഫ്ഗാന്‍ പ്രസിഡന്റ് അഷ്‌റഫ് ഗനിയും 2016 ജൂണിലായിരുന്നു സല്‍മ അണക്കെട്ട് ഉദ്ഘാടനം നിര്‍വഹിച്ചത്. ഇന്ത്യഅഫ്ഗാന്‍ സൗഹൃദത്തിന്റെ അടയാളമായാണ് സല്‍മ അണക്കെട്ട് നിര്‍മിച്ചത്. 1,700 കോടിയോളം രൂപയാണ് ഇതിനു ഇന്ത്യ ചെലവഴിച്ചത്.