ലോകത്തെ ആശങ്കയിലാഴ്ത്തിയ സൈബര്‍ ആക്രമണം വാനാക്രൈ റാന്‍സംവേര്‍ വീണ്ടും. റഷ്യയിലും യൂറോപ്പിലുമാണ് വൈറസ് ആക്രമണമുണ്ടായത്. ഇന്ത്യയില്‍ ഇതുവരെ ആക്രമണം റിപ്പോര്‍ട്ട് ചെയ്തിട്ടില്ല. റഷ്യയിലെ എണ്ണക്കമ്പനികളിലും യുക്രൈനിലെ അന്താരാഷ്ട്ര വ്യോമതാവളത്തിലുമാണ് വൈറസ് ആക്രമണമുണ്ടായത്.

കമ്പ്യൂട്ടറുകളുടെ നിയന്ത്രണം കൈക്കലാക്കി മോചനദ്രവ്യം ആവശ്യപ്പെടുന്ന തരം ആക്രമണം ബ്രിട്ടീഷ് പരസ്യ ഏജന്‍സിയായ ഡബ്ല്യൂപിപിയും വൈറസ് ആക്രമണത്തിനിരയായതായി റിപ്പോര്‍ട്ടുകളുണ്ട്. രാജ്യങ്ങള്‍ കമ്പ്യുട്ടര്‍ ഉപയോക്താക്കള്‍ക്ക് മുന്നറിയിപ്പ് നല്‍കി. മെയ് മാസത്തിലുണ്ടായ വാനാക്രൈ ആക്രമണം ഇന്ത്യയെയും ബാധിച്ചിരുന്നു.

ആക്രമണത്തിന് പിന്നില്‍ പ്രവര്‍ത്തിക്കുന്നവരെ ഇതുവരെ കണ്ടെത്തിയിട്ടില്ല. ആക്രമണത്തിന് പിന്നില്‍ ഉത്തര കൊറിയയാണെന്നും അമേരിക്കയുടെ ദേശീയ സുരക്ഷാ ഏജന്‍സി രൂപപ്പെടുത്തിയ കോഡ് കൈക്കലാക്കിയവരാണ് ആക്രമണത്തിന് പിന്നിലെന്നും പറയപ്പെടുന്നു. എന്നാല്‍ ഇക്കാര്യത്തില്‍ ഇതുവരെ സ്ഥിരീകരണമൊന്നുമില്ല.