ദക്ഷിണ ചൈനാ കടലില് അമേരിക്കന് നാവികസേനയുടെ യുദ്ധക്കപ്പല് സഞ്ചാരം
തര്ക്കദ്വീപിന് 12 മൈല് അകലെ അമേരിക്ക യുദ്ധക്കപ്പല് അയച്ചു. ദക്ഷിണ ചൈനാക്കടലിലെ ചൈനയുടെ അവകാശവാദങ്ങള് തള്ളിക്കൊണ്ടാണ് അമേരിക്കയുടെ ഈ കപ്പല് സഞ്ചാരം. ചൈനയും വിയറ്റ്നാമും തായ്വാനും ഒരേസമയം അവകാശവാദം ഉന്നയിക്കുന്ന ട്രൈടണ് ദ്വീപിനു സമീപത്തുകൂടിയാണ് ഞായറാഴ്ച അമേരിക്കന് നാവികസേനയുടെ കപ്പല് സഞ്ചരിച്ചത്. സംഭവത്തെക്കുറിച്ചു ചൈന ഇതുവരെ പ്രതികരിച്ചിട്ടില്ല.
യുഎസ് സൈന്യത്തിന്റെ വ്യോമഗതാഗത സ്വാതന്ത്ര്യ പ്രകടനത്തിന്റെ ഭാഗമായാണ് മിസൈല് വേധ കപ്പലായ യുഎസ്എസ് സ്റ്റെതേം, ചൈന തങ്ങളുടെ സമുദ്രാതിര്ത്തി എന്ന് അവകാശപ്പെടുന്ന ഭാഗത്തുകൂടി കടന്നുപോയത്. െ്രെടടണ് ദ്വീപിനു മേല് ചൈന അവകാശവാദം ഉന്നയിക്കുന്നതും അവിടെ നിര്മാണ പ്രവര്ത്തനങ്ങള് നടത്തുന്നതും അമേരിക്ക അംഗീകരിക്കുന്നില്ല. അതേസമയം ദ്വീപില് ഹെലിപാഡ് വരെ നിര്മിക്കാനുള്ള നീക്കത്തിലാണ് ചൈന. ഉത്തരകൊറിയയുമായി വ്യാപാരം നടത്തുന്ന ചൈനീസ് കമ്പനികള്ക്ക് ഉപരോധം ഏര്പ്പെടുത്തിയതും തായ്വാനുമായി പുതിയ ആയുധകരാര് ഒപ്പുവച്ചതും ഉള്പ്പെടെ ചൈനയെ പ്രകോപിപ്പിക്കുന്ന ട്രംപ് ഭരണകൂടത്തിന്റെ നടപടികളില് ഒടുവിലത്തേതാണ് ദക്ഷിണചൈനാ കടലില് അരങ്ങേറിയത്.
https://www.facebook.com/Malayalivartha
