പ്രധാനമന്ത്രി നരേന്ദ്ര മോദിയുടെ സന്ദര്‍ശനത്തോടെ ഇസ്രയേല്‍ എന്ന രാജ്യവും അവിടുത്തെ ജനങ്ങളും വീണ്ടും ഇന്ത്യന്‍ മാദ്ധ്യമങ്ങളില്‍ നിറയുന്നു. പക്ഷേ മദ്ധ്യപൂര്‍വേഷ്യയില്‍ മെഡിറ്ററേനിയന്‍ ഉള്‍ക്കടലിന്റെ കിഴക്കെ തീരത്തുള്ള ഒരു കൊച്ചു രാജ്യം എങ്ങനെയാണ് ലോകഗതിയെ നിയന്ത്രിക്കുന്നതെന്ന് അത്ഭുതപ്പെടാത്തവര്‍ കുറവാണ്. 1948ല്‍ രൂപീകൃതമായ ഈ വാഗ്ദത്ത ഭൂമിയെ ലോകത്തിലെ വന്‍ ശക്തികളിലൊന്നാക്കുന്നത് ഈ അഞ്ചു കാര്യങ്ങള്‍ കൊണ്ടാണ്.
1. ജൂത രാഷ്ട്രമാക്കി നിലനിര്‍ത്താനുള്ള നിരന്തര ശ്രമങ്ങള്‍
മതേതര ജനാധിപത്യ രാഷ്ട്രമാണെന്ന് പറയുമ്പോഴും ഇസ്രയേലിനെ എപ്പോഴും ജൂത ഭൂരിപക്ഷ രാഷ്ട്രമാക്കി നിലനിര്‍ത്താനാണ് കാലാകാലമായി മാറി വന്ന സര്‍ക്കാരുകള്‍ ശ്രമിച്ചിട്ടുള്ളത്. ജൂത വംശജര്‍ക്ക് മാത്രമേ രാജ്യത്തേക്ക് കുടിയേറാനും പൗരന്മാരാകാനും കഴിയൂ എന്ന നിബന്ധന തന്നെ ഇതിനുദാഹരണമായി ചൂണ്ടിക്കാണിക്കപ്പെടുന്നു. അയല്‍ രാജ്യമായ സിറിയയില്‍ ആഭ്യന്തര യുദ്ധമുണ്ടായപ്പോള്‍ അവിടുത്തെ പൗരന്മാരെ അഭയാര്‍ത്ഥികളായി സ്വീകരിക്കാന്‍ ഇസ്രയേല്‍ തയ്യാറാകാത്തത് ഇതിന്റെ ഭാഗമാണ്. കൂടാതെ ജൂത വംശജര്‍ മറ്റ് മതക്കാരെ വിവാഹം കഴിക്കുന്നത് നിരോധിച്ചിട്ടുമുണ്ട്.
2. നിര്‍ബന്ധിത സൈനിക സേവനം
അയല്‍ രാജ്യങ്ങളുമായി അതിര്‍ത്തി തര്‍ക്കങ്ങള്‍ നിലനില്‍ക്കുന്നതിനാല്‍ എല്ലാ പൗരന്മാരും നിര്‍ബന്ധിത സൈനിക സേവനത്തിന് വിധേയരാകണമെന്ന് ഇസ്രയേല്‍ നിയമം അനുശാസിക്കുന്നു. ശാരീരിക ബലഹീനതകള്‍ അനുഭവിക്കുന്നവരൊഴിച്ച് എല്ലാ പുരുഷന്മാരും മൂന്ന് വര്‍ഷവും സ്ത്രീകള്‍ രണ്ട് വര്‍ഷവും സൈനിക സേവനം നടത്തിയിരിക്കണം. അത്യാവശ്യ ഘട്ടങ്ങളില്‍ ആവശ്യപ്പെടുകയാണെങ്കില്‍ സൈന്യത്തിന് വേണ്ടി ജോലി ചെയ്യണമെന്നും ഇസ്രയേല്‍ നിയമം പൗരന്മാരോട് ആവശ്യപ്പെടുന്നു. ഇപ്പോഴത്തെ ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹു തന്റെ ചെറുപ്പകാലത്ത് സൈനിക സേവനം അനുഷ്ടിച്ചിട്ടുണ്ട്.
3. രാഷ്ട്രീയക്കാര്‍ പ്രവര്‍ത്തിക്കുന്നത് രാജ്യതാത്പര്യങ്ങള്‍ക്ക് വേണ്ടിമാത്രം
മറ്റ് രാജ്യങ്ങളിലെ രാഷ്ട്രീയക്കാര്‍ സ്വന്തം പാര്‍ട്ടിയുടെ താത്പര്യങ്ങള്‍ക്ക് വേണ്ടി മാത്രം പ്രവര്‍ത്തിക്കുമ്പോള്‍ ഇസ്രയേലിലെ രാഷ്ട്രീയക്കാരുടെ ആദ്യ പരിഗണന രാജ്യതാത്പര്യം മാത്രമാണ്. ഇസ്രയേലിലെ പ്രമുഖ രാഷ്ട്രീയ പാര്‍ട്ടിയായ ലിക്കുദിന്റെ നയങ്ങള്‍ പരിശോധിച്ചാല്‍ ഇത് മനസിലാകും.
4.ആണ്‍കോഴ്മ അനുസരിച്ച് പ്രവര്‍ത്തിക്കുന്നു
ഇസ്രയേലിലെ പാരമ്പര്യം അനുസരിച്ച് പുരുഷനാണ് കുടുംബത്തിന്റെ നാഥന്‍. സ്ത്രീകള്‍ക്ക് സ്വന്തമായി അഭിപ്രായങ്ങളോ ഭര്‍ത്താവിന്റെ അനുമതിയില്ലാതെ വിവാഹ മോചനത്തിനോ ഉള്ള അവകാശമില്ല. എന്നാല്‍ ഇതിനെതിരെ രാജ്യത്ത് നിന്നു തന്നെ നിരവധി സംഘടനകളില്‍ നിന്നുള്ള എതിര്‍പ്പ് നേരിടേണ്ടി വരുന്നുണ്ട്.
5. മതവിശ്വാസങ്ങള്‍ക്ക് ആദ്യപരിഗണന
മതപരമായ ചട്ടകൂടുകള്‍ ഇല്ലെങ്കില്‍ ജനങ്ങള്‍ സുഖലോലുപതയിലും അധപതനത്തിലേക്കും കൂപ്പുകുത്തുമെന്നാണ് ഇസ്രയേലിലെ വിശ്വാസം. അതുകൊണ്ട് തന്നെ മതവിശ്വാസങ്ങള്‍ക്ക് ആദ്യ പരിഗണന കൊടുക്കുന്ന സമൂഹമാണ് ഇസ്രയേലിലേത്. രാജ്യത്ത് നിന്നും മറ്റ് മതങ്ങളെ നിരോധിക്കണമെന്ന് പോലും ചില തീവ്ര ജൂത സംഘടനകള്‍ സര്‍ക്കാരിനോട് ആവശ്യപ്പെടുന്നത്.
ഇതിനെല്ലാം പുറമെ കുറുക്കന്റെ ബുദ്ധികൂര്‍മതയും കാക്കയുടെ നിരീക്ഷണ കണ്ണുകളുമുള്ള ഇസ്രേയേലിലെ ജനങ്ങളുടെ കഠിനാധ്വാനം തന്നെയാണ് അവരെ ലോകത്തിലെ വന്‍ ശക്തികളിലൊന്നാക്കിയത്‌