ഇന്ത്യയുമായി എല്ലാക്കാലത്തും സമാധാനപരമായ ബന്ധമാണ് ആഗ്രഹിക്കുന്നതെന്ന് പാകിസ്ഥാന്
ഇന്ത്യയുമായി എല്ലാക്കാലത്തും സമാധാനപരമായ ബന്ധമാണ് ആഗ്രഹിക്കുന്നതെന്ന് പാകിസ്ഥാന് സൈനിക മേധാവി ഖമര് ജാവേദ് ബാജ്വ പറഞ്ഞു. ഇന്ത്യയുമായി നല്ല ബന്ധം തുടരാനുള്ള ആഗ്രഹം നേരത്തെ തന്നെ പാകിസ്ഥാന് അറിയിച്ചതാണെന്നും സുരക്ഷയിലും സമ്പദ്വ്യവസ്ഥയിലുമുള്ള പരസ്പര സഹകരണം എന്ന വിഷയത്തില് കറാച്ചിയില് നടന്ന സെമിനാറില് സംസാരിക്കവെ ബാജ്വ് വ്യക്തമാക്കി.
അതിര്ത്തി കടന്നുള്ള തീവ്രവാദ പ്രവര്ത്തനം വര്ദ്ധിച്ചതിനെ തുടര്ന്ന് പാകിസ്ഥാനുമായുള്ള ഉഭയകക്ഷി ബന്ധത്തില് ഇന്ത്യ അകലം പാലിച്ചു വരികയായിരുന്നു. ഭീകരാക്രമണങ്ങളെ തുടര്ന്ന് 2015 ഡിസംബറില് ഇന്ത്യന് വിദേശകാര്യ മന്ത്രി സുഷമാ സ്വരാജ് പാകിസ്ഥാനിലേക്ക് നടത്താനിരുന്ന സന്ദര്ശനവും റദ്ദാക്കിയിരുന്നു.
ഏഷ്യന് മേഖലയുടെ കിഴക്ക് ഇന്ത്യയുടെ യുദ്ധക്കൊതി കൊണ്ടും പടിഞ്ഞാറ് അഫ്ഗാനിസ്ഥാനിലെ അസ്ഥിരത കൊണ്ടും മേഖലയില് കാര്യങ്ങള് അത്ര സുരക്ഷിതമല്ല. അഫ്ഗാനിലെ പ്രശ്നങ്ങള് പരിഹരിക്കുന്നതിന് നയതന്ത്ര, സൈനിക, സാന്പത്തിക തലത്തില് പാകിസ്ഥാന് മുന്കൈ എടുക്കുന്നുണ്ട്. അഫ്ഗാനിലെ ഗോത്ര പ്രദേശങ്ങളില് ജനങ്ങളുടെ സുരക്ഷയ്ക്കായിുള്ള നടപടികളും വര്ദ്ധിപ്പിച്ചിട്ടുണ്ട് ബാജ്വ പറഞ്ഞു.
ലോകത്തിലെ ഏറ്റവും അസ്ഥിരതയുള്ള മേഖലയിലാണ് ഉള്പ്പെടുന്നതെന്ന് പറഞ്ഞ ബാജ്വ, പാകിസ്ഥാന് വിവിധ പ്രതിസന്ധികളിലൂടെയാണ് കടന്നു പോകുന്നതെന്നും കൂട്ടിച്ചേര്ത്തു.
https://www.facebook.com/Malayalivartha
