യൗവ്വനത്തിൽ മാത്രം തിളങ്ങാൻ സാധിക്കുന്ന മേഖലയാണ് മോഡലിങ്. മുഖത്ത് പ്രായാധിക്യത്തിന്റെ ലക്ഷണങ്ങൾ കണ്ടുതുടങ്ങിയാൽ മോഡലിങ് രംഗത്തോട് വിടപറയേണ്ടി വരും. എന്നാൽ ഇവുടത്തെ വിശേഷണങ്ങൾ കാണുന്ന മധ്യവയസ്സുള്ളവർക്ക് കൂടുതൽ ആത്മവിശ്വാസം ലഭിക്കുമെന്നത് ഉറപ്പ്.

എന്താണെന്നല്ലേ സംഭവം?... ഇവിടെ ഒരു മോഡലിങ് കമ്പനിയിൽ മോഡലാകാൻ 45 വയസ്സുകഴിഞ്ഞിരിക്കണമെന്ന് നിർബന്ധമാണ്.

മോസ്‌കോയിലെ ഓൾഡുഷ്‌ക എന്ന മോഡലിങ് കമ്പനിയിലാണ് പ്രായമായവരെ മോഡലായി തെരഞ്ഞെടുക്കുന്നത്. സൗന്ദര്യത്തിന്റെ മാനദണ്ഡം യൗവ്വനമല്ലല്ലോ…ഇതുതന്നെയാണ് കമ്പനി മുമ്പോട്ട് വയ്ക്കുന്ന ആശയവും. കമ്പനിയുടെ ഫോട്ടോഗ്രാഫർ ഇഗോർ ഗവറുടേതായിരുന്നു ഈ വേറിട്ട ആശയം.

സൗന്ദര്യം എന്ന് പറഞ്ഞാൽ വീഞ്ഞ് പോലെയാണ്. പ്രായം കൂടുംതോറും സൗന്ദര്യം വർധിക്കുമെന്നാണ് അദ്ദേഹം പറയുന്നത്.

ഓൾഡുഷ്‌കയുടെ മോഡലുകളായി എത്തുന്നത് മുടി നരച്ച് തൊലി ചുളുങ്ങിയവരാണ്. മിക്കവരുടേയും പ്രായം ആറുപതും എൺപതുമൊക്കെയാണ്.