കൊടും യുദ്ധം ഉടൻ വിമാനങ്ങൾ ഹൈജാക്ക് ചെയ്യും?! തിരിച്ചടിക്കാൻ ഇറങ്ങി സൗദി അൽ ഹമ്മാമിക്ക് പട്ടാഭിഷേകം
യെമനില്‍ ഹൂതി വിമതരുടെ നിയന്ത്രണത്തിലുള്ള മുഴുവന്‍ മേഖലകളും തിരിച്ചുപിടിക്കുന്നതിനായി ഔദ്യോഗികമായി പൂര്‍ണ്ണയുദ്ധം പ്രഖ്യാപിച്ച് സൗദി അറേബ്യയുടെ പിന്തുണയുള്ള അന്താരാഷ്ട്ര തലത്തില്‍ അംഗീകരിക്കപ്പെട്ട യെമന്‍ ഭരണകൂടം. ഹൂതികളുടെ പിടിയില്‍ നിന്ന് രാജ്യത്തിന് മോചനം ലഭിക്കുംവരെ ശക്തമായ സൈനിക നടപടി തുടരുമെന്ന് യെമന്‍ പ്രസിഡന്റ് റഷാദ് അല്‍ അലിമി അറിയിച്ചു. സൗദി സഖ്യസേനയും ഹൂതികളും തമ്മില്‍ ആക്രമണ പ്രത്യാക്രമണങ്ങള്‍ ശക്തമായ പശ്ചാത്തലത്തിലാണ് പ്രവേശന കവാടങ്ങളും പ്രധാന നഗരങ്ങളും തിരിച്ചുപിടിക്കാനുള്ള അന്തിമ സൈനിക നീക്കത്തിന് സര്‍ക്കാര്‍ തുടക്കമിട്ടത്. ഇറാന്റെ പിന്തുണയോടെ പ്രവര്‍ത്തിക്കുന്ന ഹൂതി വിമതരെ പരാജയപ്പെടുത്തി, രാജ്യത്തിന്റെ പരമാധികാരം പുനഃസ്ഥാപിക്കുകയാണ് ദൗത്യത്തിന്റെ പ്രധാന ലക്ഷ്യം.
കഴിഞ്ഞ ദിവസങ്ങളില്‍ ചെങ്കടല്‍ തീരപ്രദേശങ്ങളും തന്ത്രപ്രധാനമായ ബാബ് അല്‍-മന്ദബ് കടലിടുക്കും ഹൂതികള്‍ പിടിച്ചെടുത്തതോടെയാണ് പ്രദേശത്തെ സ്ഥിതിഗതികള്‍ കൂടുതല്‍ വഷളായത്. ഇതിനു പിന്നാലെ ഞായറാഴ്ച ടെലിവിഷന്‍ സന്ദേശത്തിലൂടെയാണ് യെമന്‍ പ്രസിഡന്റ് റഷാദ് അല്‍ അലിമി പൂര്‍ണ്ണ സൈനിക നീക്കം പ്രഖ്യാപിച്ചത്. 'റിപ്പബ്ലിക്കിന്റെ ബാക്കിയുള്ള പ്രദേശങ്ങള്‍ തിരിച്ചുപിടിക്കുന്നതിനും രാജ്യത്തുടനീളം ഭരണകൂടത്തിന്റെ അധികാരം പുനഃസ്ഥാപിക്കുന്നതിനുമുള്ള സൈനിക നടപടികള്‍ ഇന്ന് ഞാന്‍ പ്രഖ്യാപിക്കുകയാണ്,' - റഷാദ് അല്‍ അലിമി പ്രഖ്യാപനത്തില്‍ വ്യക്തമാക്കി.
2014 മുതല്‍ രാജ്യതലസ്ഥാനമായ സനാ അടക്കം വടക്കുപടിഞ്ഞാറന്‍ ഭാഗത്തെ പ്രധാന ജനവാസമേഖലകളെല്ലാം ഹൂതി വിമതരുടെ നിയന്ത്രണത്തിലാണ്. ഇറാന്റെ സഹായത്തോടെ ആയുധശേഖരം ആധുനികവത്കരിച്ച ഹൂതികള്‍, കഴിഞ്ഞ മാസങ്ങളില്‍ യെമനില്‍ വലിയ തോതിലുള്ള മുന്നേറ്റമാണ് നടത്തിയത്. അന്താരാഷ്ട്ര കപ്പല്‍ ഗതാഗതത്തിന്റെ പ്രമുഖ പാതയായ ബാബ് അല്‍ മന്ദബ് കടലിടുക്കും അതിനോട് ചേര്‍ന്നുള്ള ഏകദേശം 150 കിലോമീറ്ററോളം വരുന്ന ചെങ്കടല്‍ തീരവും ഹൂതികള്‍ പിടിച്ചെടുത്തിരുന്നു. ഇത് അന്താരാഷ്ട്ര വ്യാപാര മേഖലയ്ക്കും യെമന്‍ ഗവണ്‍മെന്റിനും വലിയ തിരിച്ചടിയായി മാറി.
https://www.facebook.com/Malayalivartha
