ലോകത്തെ ഏറ്റവും ശക്തിയേറിയ റോക്കറ്റ് എന്ന വിശേഷണത്തോടെ പറന്നുയര്‍ന്ന ഫാല്‍ക്കണ്‍ ഹെവിയുടെ വിക്ഷേപണം വിജയകരം. എലന്‍ മസ്‌കിന്റെ നേതൃത്വത്തിലുള്ള സ്‌പേസ് എക്‌സ് ആണ് അമേരിക്കന്‍ സമയം പുലര്‍ച്ചെ 1.30ന് ഫാല്‍ക്കണ്‍ വിജയകരമായി വിക്ഷേപിച്ചത്.എലന്‍ മസ്‌കിന്റെ ഇലക്ട്രിക് കാറായ ടെസ്‌ല റോഡ്സ്റ്ററും വഹിച്ചാണ് റോക്കറ്റ് കുതിച്ചുയര്‍ന്നത്. ഭീമന്‍ റോക്കറ്റിന്റെ വിക്ഷേപണത്തോടെ 2004ല്‍ വിക്ഷേപിച്ച ഡെല്‍റ്റ് ഫോര്‍ ഹെവി റോക്കറ്റിന്റെ റെക്കാര്‍ഡ് തകര്‍ന്നു.
ഫ്‌ളോറിഡയിലെ കെന്നഡി സ്‌പെയ്‌സ് സെന്ററില്‍ നടന്ന വിക്ഷേപണം കാണാന്‍ ആയിരക്കണക്കിനാളുകളാണ് എത്തിയത്. 63,500 കിലോഗ്രാം ഭാരം ഭൂമിക്ക് പുറത്തെത്തിക്കാനുള്ള ശേഷി ഫാല്‍ക്കണ്‍ ഹെവിയ്ക്കുണ്ട്. ഒരുപാട് ഉപഗ്രങ്ങള്‍ ഒന്നിച്ച് ഭ്രമണ പഥത്തിലെത്തിക്കാമെന്നതാണ് ഫാല്‍ക്കണ്‍ ഹെവിയുടെ പ്രാധാന സവിശേഷത. വ്യാഴം, ശനി, പോലുള്ള ഗ്രഹങ്ങളിലേക്ക് ഭാരമേറിയ ദൂരദര്‍ശിനികള്‍ ബഹിരാകാശത്തെിത്തിക്കാനും ഫാല്‍ക്കണ്‍ ഹെവി റോക്കറ്റിന്റെ ശേഷി പ്രയോജനപ്പെടുത്താം.

2500 ടണ്‍ ഊര്‍ജമാണ് വിക്ഷേപണത്തിനായി കത്തിയമര്‍ന്നത്. 63,500 കിലോഗ്രാം ചരക്ക് ഭൂമിക്ക് പുറത്തെത്തിക്കാനുള്ള ശേഷി ഫാല്‍ക്കണ്‍ ഹെവിയ്ക്കുണ്ട്.