അമേരിക്കയിലെ മിച്ചിഗണിൽ ഒരു കുടുംബം തങ്ങളുടെ പതിലനാലാമത്തേ കുഞ്ഞിനായി കാത്തിരിക്കുകയാണ്. ഒരു പെൺകുട്ടി തന്നെ വേണമെന്നാണ് അവരുടെ ആഗ്രഹം. അതിനൊരു കാരണം ഉണ്ട് എന്താണെന്നല്ലേ?... ജയ്-കറ്റേരി ദമ്പതികളുടെ മറ്റു പതിമൂന്നു കുട്ടികളും ആൺകുട്ടികളാണ്. 

പെണ്‍കുട്ടികള്‍ വീടിനൊരു അലങ്കാരമാണെന്നും തങ്ങള്‍ ഒരു പെണ്‍കുട്ടിയെ ഒരുപാട് ആഗ്രഹിക്കുന്നുവെന്നും പതിമൂന്ന് ആണ്‍കുട്ടികളുടെ പിതാവായ ജയ് പറയുന്നു. ഏപ്രിലിലാണ് കറ്റേരി പ്രസവിക്കുമെന്ന് ഡോക്ടര്‍മാര്‍ അറിയിച്ചിട്ടുള്ളത്.

ഇത്രയും കുട്ടികള്‍ ഞങ്ങള്‍ക്കൊരു ഭാരമല്ലെന്നും ഇനി ഒരു പെൺകുട്ടി കൂടി വേണമെന്നാണ് ആഗ്രഹമെന്ന് കറ്റേരയും അഭിപ്രായപ്പെട്ടു. ഒരു വീട്ടില്‍ കുട്ടികളില്ലാത്ത കാര്യം ആലോചിക്കാന്‍ കൂടി കഴിയില്ലെന്നും അതിനാല്‍ തന്നെ ഞങ്ങള്‍ വളരെ സന്തുഷ്ടരാണെന്നും അവര്‍ പറഞ്ഞു. അതേസമയം അടുത്തത് ഒരു അനിയത്തിക്കുട്ടിയെ വരവേല്‍ക്കാനുള്ള തയാറെടുപ്പിലാണ് പതിമൂന്ന് ചേട്ടന്‍മാരും.