ജാമ്യം ലഭിച്ച ജയലളിത ചെന്നൈയിലെത്തി; തായയ്ക്ക് കണ്ണീരില് പൊതിഞ്ഞ പതിനായിരങ്ങളുടെ വരവേല്പ്പ്
അനധികൃത സ്വത്തു സമ്പാദനക്കേസില് സുപ്രീംകോടതി ജാമ്യം ലഭിച്ച ജയലളിത ബാംഗ്ലൂരിലെ പാരപ്പന അഗ്രഹാര ജയിലില് നിന്നു പുറത്തിറങ്ങി. മോചിതയായ ജയലളിത ബാംഗ്ലൂരില് നിന്നു പ്രത്യേക വിമാനത്തില് ചെന്നൈയിലെത്തി. ജയിലില് നിന്നു റോഡ് മാര്ഗം എച്ച്എഎല് വിമാനത്താവളത്തിലെത്തിയ ശേഷം പ്രത്യേക വിമാനത്തില് ചെന്നൈയിലെത്തുകയായിരുന്നു. വലിയ സ്വീകരണമാണ് പ്രവര്ത്തകര് ജയ്ക്ക് നല്കിയത്. മഴയെപോലും അവഗണിച്ച് റോഡിനിരുവശവും നിരവധി പ്രവര്ത്തകര് തടിച്ചു കൂടിയിരുന്നു.
സുപ്രീം കോടതിയുടെ ജാമ്യ ഉത്തരവു പാരപ്പനയിലെ പ്രത്യേക കോടതിയില് ഇന്നലെ ലഭിക്കാത്തതിനെ തുടര്ന്നാണ് ജയില്വാസം ഒരു ദിവസം കൂടി നീണ്ടത്. ഇന്നു രാവിലെ എത്തിയ ജാമ്യ ഉത്തരവു പരിശോധിച്ച പ്രത്യേക കോടതി ഉച്ചയോടെ വിടുതല് ഉത്തരവ് ജയില് അധികൃതര്ക്കു സമര്പ്പിച്ചു.
ജയില് പരിസരത്തെ കനത്ത മഴയിലും അമ്മയെ ഒരു നോക്കു കാണാന് ആയിരക്കണക്കിന് ആരാധകരും പാര്ട്ടി പ്രവര്ത്തകരുമാണ് ഇവിടേക്കൊഴുകിയെത്തിയത്. പൊലീസ് ജയിലിനു സമീപം കനത്ത സുരക്ഷ ഏര്പ്പെടുകത്തിയിരുന്നെങ്കിലും പാരപ്പനയില് നിന്നുള്ള റോഡിനിരുവശവുമായി പ്രവര്ത്തകര് മണിക്കൂറുകളോളം കാത്തുനിന്നു. ജയലളിതയ്ക്കു ജയ് വിളിച്ചും കരുണാനിധിക്കെതിരെ മുദ്രാവാക്യം മുഴക്കിയും അവര് ജയലളിതയുടെ മോചനം ആഘോഷിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
