വന്‍ വികസന സാധ്യത വിളിച്ചോതിക്കൊണ്ട് പ്രധാനമന്ത്രി നരേന്ദ്ര മോഡി ഈ ഉത്സവ സീസണില്‍ തന്നെ ശബരിമലയില്‍ എത്തും. കഴിവതും സീസണ്‍ തിരക്കു തുടങ്ങുന്നതിനു മുമ്പു തന്നെ ദര്‍ശനം നടത്താനാണു സാധ്യത. സുരക്ഷാ പ്രശ്‌നങ്ങള്‍ കണക്കിലെടുത്താണ് ഇക്കാര്യം പരിഗണിക്കുന്നത്. ശബരിമലയെ ദേശീയ തീര്‍ഥാടന കേന്ദ്രമായി പ്രധാനമന്ത്രി പ്രഖ്യാപിക്കും. 

കഴിഞ്ഞയാഴ്ച മുഖ്യമന്ത്രി ഉമ്മന്‍ ചാണ്ടി ഡല്‍ഹിയില്‍ പ്രധാനമന്ത്രിയെ കണ്ടപ്പോഴും ഈ ആവശ്യം ആവര്‍ത്തിച്ചിരുന്നു. ശബരിമലയെ ദേശീയ തീര്‍ഥാടന കേന്ദ്രമായി പ്രഖ്യാപിക്കുന്നതിലൂടെ കേരളത്തില്‍ ബിജെപിക്കു കൂടുതല്‍ വേരോട്ടമുണ്ടാക്കാന്‍ കഴിയുമെന്നു ബിജെപിയുടെ ദേശീയ- സംസ്ഥാന നേതൃത്വങ്ങള്‍ കണക്കു കൂട്ടുന്നുമുണ്ട്.
ഇതോടൊപ്പം ആറന്മുളയെ ദേശീയ പൈതൃക ഗ്രാമമായി പ്രധാനമന്ത്രിയെക്കാണ്ടു പ്രഖ്യാപിക്കാനും അണിയറയില്‍ നീക്കങ്ങള്‍ നടക്കുന്നുണ്ട്. ആറന്മുളയെ ദേശീയ പൈതൃകമായി പ്രഖ്യാപിച്ചാല്‍ വിവിധ പദ്ധതികളിലൂടെ കോടിക്കണക്കിനു രൂപയുടെ കേന്ദ്ര സഹായം ലഭിക്കും. വിമാനത്താവള പദ്ധതി ഇതിലൂടെ പൂര്‍ണമായും അസാധ്യമാക്കാനും കഴിയും.
നരേന്ദ്ര മോദി വരുമെന്ന പ്രതീക്ഷയില്‍ അതിനുള്ള തയാറെടുപ്പുകള്‍ സംസ്ഥാന പൊലീസ് ആരംഭിച്ചു കഴിഞ്ഞു. മോഡിയുടെ പ്രത്യേക വിമാനം നെടുമ്പാശേരിയില്‍ ഇറങ്ങിയാല്‍ ശബരിമലയിലേക്കു ഹെലികോപ്റ്ററില്‍ എങ്ങനെ എത്തിക്കാമെന്നും പൊലീസ് പദ്ധതി തയാറാക്കുന്നുണ്ട്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha