കഴിഞ്ഞ അഞ്ച് വര്‍ഷം കൊണ്ട് തിരുവനന്തപുരത്തെ എംപിയാണല്ലോ ശശി തരൂര്‍. ഇടയ്ക്ക് കുറച്ച് നാള്‍ മന്ത്രിയുമായിരുന്നു. കേന്ദ്രം ഭരിച്ചത് കോണ്‍ഗ്രസ്. സംസ്ഥാനം ഭരിച്ചു കൊണ്ടിരിക്കുന്നതും കോണ്‍ഗ്രസ്. എന്നിട്ടും പ്രമാദമായ തിരുവനന്തപുരത്തെ മാലിന്യം മാറ്റാന്‍ ഒന്നും ചെയ്യാന്‍ ശശി തരൂരിന് കഴിഞ്ഞില്ല. 
എല്ലാത്തിനും ഒരു അവതാരം ഉണ്ടാകണമല്ലോ. അതുപോലെ നരേന്ദ്ര മോഡി വന്നു. ഭാരതം വൃത്തിയാക്കുന്നതിന്റെ ഉത്തരവാദിത്വം കോണ്‍ഗ്രസ് വക്താവ് കൂടിയായിരുന്ന തരൂര്‍ ഏറ്റെടുത്തു. അതോടെ തരൂരിനെ വക്താവ് സ്ഥാനത്ത് നിന്നു മാറ്റി. അതൊന്നും കണക്കിലെടുക്കാതെ തിരുവന്തപുരത്തെ ക്ലീന്‍ സിറ്റിയാക്കാന്‍ തരൂര്‍ മുന്‍ കൈയ്യെടുക്കുകയാണ്. അതിന് സംസ്ഥാനം ഭരിക്കുന്ന ഉമ്മന്‍ ചാണ്ടിയെ മറികടന്ന് മോഡിയോട് സഹായം അഭ്യര്‍ത്ഥിക്കുകയാണ് തരൂര്‍. തിരുവനന്തപുരത്തെ, ഒരുകാലത്ത് പ്രൗഢമായിരുന്ന പാര്‍വതി പുത്തനാറിന്റെ ശുചീകരണത്തിനാണ് മോഡിയുടെ സഹായം തരൂര്‍ അഭ്യര്‍ത്ഥിച്ചിരിക്കുന്നത്.
അതേസമയം സ്വച്ഛ് ഭാരത് പദ്ധതിയുമായി ബന്ധപ്പെട്ട് മാലിന്യ നിര്‍മാര്‍ജ്ജനത്തിന് ഇറങ്ങിത്തിരിച്ച ശശി തരൂരിനെ നരേന്ദ്ര മോഡിയുടെ അഭിനന്ദിച്ചു. സ്വച്ഛ് ഭാരത് പദ്ധതിയില്‍ സജീവമായി പങ്കെടുത്ത തരൂരിന്റെ നടപടി പ്രോത്സാഹനാജനകമാണെന്ന് മോഡി ട്വിറ്റില്‍ എഴുതി. 
മോഡിയുടെ അഭിനന്ദത്തിന് ശശി തരൂര്‍ നന്ദിയും രേഖപ്പെടുത്തി. ജവഹര്‍ലാല്‍ നെഹ്‌റു തുടങ്ങിവച്ച പദ്ധതി മോഡി തുടരുന്നതില്‍ നന്ദിയുണ്ടെന്നും ട്വിറ്ററിലൂടെ തരൂര്‍ വ്യക്തമാക്കി. തനിക്ക് ഇക്കാര്യത്തില്‍ രാഷ്ട്രീയമില്ലെന്നും അദ്ദേഹം കൂട്ടിച്ചേര്‍ത്തു. ഇനി തിരുവനന്തപുരത്തെ പാര്‍വതി പുത്തനാര്‍ ശുചീകരിക്കാന്‍ മുന്‍കൈയെടുക്കണമെന്ന ആവശ്യവും തരൂര്‍ പ്രധാനമന്ത്രിക്ക് മുമ്പാകെ വച്ചിട്ടുണ്ട്. പൊതുജനങ്ങളോട് ഇതിന്റെ ഭാഗമാവാനും തരൂര്‍ അഭ്യര്‍ത്ഥിച്ചു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha