കൊച്ചിയില്‍ പൈപ്പ് ലൈന്‍ വഴിയുള്ള പാചക വാതക വിതരണം അടിയന്തരമായി ആരംഭിക്കുമെന്ന് മുഖ്യമന്ത്രി ഉമ്മന്‍ചാണ്ടി. അടുത്ത മാസം ഇതിനുള്ള ടെന്‍ഡര്‍ ഉറപ്പിക്കും. മറ്റു ജില്ലകളില്‍ എല്‍എന്‍ജി പൈപ്പ് ലൈന്‍ കടന്നുപോകുന്ന വഴിയിലെ തടസങ്ങള്‍ നീക്കാന്‍ മുഖ്യമന്ത്രിയുടെ അദ്ധ്യക്ഷതയില്‍ ചേര്‍ന്ന നിര്‍ണായക യോഗം തീരുമാനമാകാതെ പിരിഞ്ഞു. കനാല്‍ വഴിയുള്ള പൈപ്പ് ലൈന്‍ പദ്ധതി പ്രായോഗികമല്ലെന്നു മുഖ്യമന്ത്രി അറിയിച്ചു.
പണി പൂര്‍ത്തിയായ പൈപ്പ് ലൈന്‍ പദ്ധതി വഴി കൊച്ചിയുടെ വിവിധ ഭാഗങ്ങളില്‍ പാചക വാതക വിതരണം അടിയന്തരമായി നടപ്പാക്കാനാണു തീരുമാനം. ഇതിനുള്ള സിറ്റി ഗ്യാസ് സ്‌കീമിന് അടുത്തമാസം ടെന്‍ഡര്‍ ഉറപ്പിക്കും. ഇതോടെ മറ്റ് ജില്ലകളില്‍ പൈപ്പ് ലൈന്‍ പദ്ധതിക്കെതിരെ ഉയര്‍ന്ന എതിര്‍പ്പിന് കുറവുണ്ടാകുമെന്നാണ് പ്രതീക്ഷയെനന്നും മുഖ്യമന്ത്രി പറഞ്ഞു.
എറണാകുളം, തൃശൂര്‍, പാലക്കാട് കണ്ണൂര്‍ ജില്ലകളില്‍ പ്രകൃതി വാതക പൈപ്പ് ലൈന്‍ പദ്ധതി പലഘട്ടങ്ങളിലാണ്. ഏറ്റവുമധികം എതിര്‍പ്പുയര്‍ന്ന മലപ്പുറം കോഴിക്കോട് ജില്ലകളിലാകട്ടെ ഒരിഞ്ചുപോലും മുന്നോട്ടുപോയിട്ടുമില്ല. കനോലി കനാല്‍ വഴി പൈപ്പ് ലൈന്‍ കൊണ്ടുപോകുന്നതടക്കം ബദല്‍ മാര്‍ഗങ്ങള്‍ പ്രായോഗികമല്ലെന്നാണു വാദം.
സ്ഥലമേറ്റെടുപ്പുമായി ബന്ധപ്പെട്ട് എന്തു വിട്ടുവീഴ്ചക്കും തയ്യാറാണെന്നും പ്രകൃതി വാതക പൈപ്പ് ലൈന്‍ പദ്ധതി അനിവാര്യമായതിനാല്‍ ചര്‍ച്ചകള്‍ തുടരുമെന്നും മുഖ്യന്ത്രി അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha