സംസ്ഥാനത്തു വര്‍ദ്ധിച്ചുവരുന്ന സദാചാര പൊലീസിങ്ങും അതിനെതിരായ പ്രതിഷേധമെന്ന പേരില്‍ കൊച്ചി പ്രഖ്യാപിച്ചിട്ടുള്ള ചുംബനമഹോത്സവവും തടയണമെന്ന് കേരള വനിതാ കമ്മീഷന്‍. പരിപാടി തടയണമെന്ന് മുഖ്യമന്ത്രിയോടും ആഭ്യന്തരമന്ത്രിയോടും ആവശ്യപ്പെടുമെന്നും കെ സി റോസക്കുട്ടി അറിയിച്ചു.കേരള സംസ്‌കാരത്തിന് ഇണങ്ങാത്ത പൊതുസ്ഥലത്തെ പരസ്യചുംബനം അംഗീകരിക്കാനാവില്ല.കുടുംബബന്ധങ്ങള്‍ക്കും സംസ്‌കാരത്തിനും പ്രാധാന്യം നല്‍കുന്ന കേരളീയസമൂഹത്തിന്റെ പൈതൃകത്തിനു വിരുദ്ധമാണ് പ്രവൃത്തിയെന്നും വനിതാ കമ്മീഷന്‍ അധ്യക്ഷ പറഞ്ഞു. .
എവിടെയെങ്കിലും ശാസ്യമല്ലാത്തത് നടന്നാല്‍ അതിനെതിരെ നടപടി എടുക്കേണ്ടത് പൊലീസാണ്. അല്ലാതെ സംഘടനകളോ വ്യക്തമികളോ അല്ല. കാര്യങ്ങള്‍ അധികൃതരുടെ ശ്രദ്ധയില്‍ പെടുത്തുന്നതിനു പകരം സംഘം ചേര്‍ന്നു നിയമം കയ്യിലെടുക്കുന്നത് പ്രാകൃതവും ജനാധിപത്യവിരുദ്ധവും ആണ്. സംഘടനകളായാലും മാദ്ധ്യമങ്ങളായാലും വ്യക്തികളായാലും മറ്റുള്ളവരുടെ സ്വകാര്യതയില്‍ കടന്നുകയറുന്നത് നീതീകരിക്കാന്‍ ആകില്ലെന്നും വനിതാ കമ്മീഷന്‍ അധ്യക്ഷ കെ സി റോസക്കുട്ടി പ്രസ്താവനയില്‍ പറഞ്ഞു.
നവംബര്‍ രണ്ടിന് എറണാകുളം മറൈന്‍ െ്രെഡവില്‍ ചുംബനമഹോത്സവം യുവജന സംഘടനകളുടെ നേതൃത്വത്തില്‍ തടയുമെന്ന് റിപ്പോര്‍ട്ടുണ്ട്. സോഷ്യല്‍ മീഡിയകളില്‍ കൂടി എന്ത് ആഭാസത്തരത്തിനും ആഹ്വാനം ചെയ്ത് ഇതിന്റെ സംഘാടകള്‍ സാമൂഹിക പരിഷ്‌കര്‍ത്താക്കള്‍ കളിക്കുകയാണെന്ന് ഒരു യുവജന സംഘടനാ നേതാവ് പറഞ്ഞു. എന്നാല്‍ പരിപാടി നിശ്ചയിച്ചത് പോലെ നടക്കുമെന്ന് പരസ്യ ചുംബനത്തിന്റെ സംഘാടകര്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha