സദാചാര പൊലീസ് ആക്രമണത്തെതുടര്‍ന്ന് ആത്മഹത്യ ചെയ്ത യുവതിക്ക് പിന്നാലെ മര്‍ദ്ദനത്തിനിരയായ യുവാവും ആത്മഹത്യക്ക് ശ്രമിച്ചു. കുറ്റിയാടി തൊട്ടില്‍പാലം കോതോട് സ്വദേശി അനൂപാ(27)ണ് അത്മഹത്യക്ക് ശ്രമിച്ച് ഗുരുതരാവസ്ഥയില്‍ കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയില്‍ കഴിയുന്നത്. വീട്ടമ്മയുമായി അവിഹിത ബന്ധം ആരോപിച്ചാണ് സദാചാരപ്പോലീസ് ചമഞ്ഞ് അനൂപിനെ മര്‍ദിച്ച് അവശനാക്കിയത്.
അവിഹിത ബന്ധം ആരോപിച്ച് സദാചാരവാദികള്‍ വീടുവളഞ്ഞതിന്റെ മനോവിഷമത്തില്‍ കോതോട് തുവ്വാട്ടുപൊയില്‍ ആയേലോട്ടുമ്മല്‍ ജയമേജയന്റെ ഭാര്യ പ്രസീന (30) ആത്മഹത്യചെയ്തിരുന്നു.
പ്രസീനയുമായി അവിഹിത ബന്ധമുണ്ടെന്നാരോപിച്ചാണ് സദാചാരപൊലീസുകാര്‍ അനൂപിനെ ക്രൂരമായി തല്ലിച്ചതച്ചത്. ഗള്‍ഫില്‍ നിന്നും നാട്ടിലെത്തുന്ന ഭര്‍ത്താവിനെ കൂട്ടിക്കൊണ്ടുവരുന്ന കാര്യം അന്വേഷിക്കാനാണ് ഓട്ടോെ്രെഡവറായ അനൂപ് പ്രസീനയുടെ വീട്ടിലെത്തിയത്. ഈ സമയത്താണ് അവിഹിതമാരോപിച്ച് സദാചാരപൊലീസ് സംഘം പ്രസീനയുടെ വീട് വളഞ്ഞത്.
സംഭവം ഭര്‍ത്താവിനെ അറിയിക്കുമെന്ന് പ്രസീനയെ സംഘം ഭീഷണിപ്പെടുത്തുകയും ചെയ്തിരുന്നു.
ഇതിന്റെ മനോവിഷമത്തിലാണ് പ്രസീന ആത്മഹത്യ ചെയ്തത്. ഈ സംഭവത്തിലുള്ള മനോവിഷമവും അപമാനവും കാരണമാണ് ഇന്നലെ അനൂപും ആത്മഹത്യക്ക് ശ്രമിച്ചത്. കോതോട് സ്വദേശികളായ കക്കുഴിയുള്ള പറമ്പില്‍ കല്ലേരി അനീഷ് (26), കുട്ടിക്കുന്നുമ്മല്‍ ജിനീഷ് (26), പുക്കുന്നുമ്മല്‍ മനോജന്‍ (38), തൈയുള്ളതില്‍ വിപിന്‍ (25) എന്നിവരെ സംഭവത്തില്‍ പോലീസ് അറസ്റ്റു ചെയ്തിരുന്നു.
മനഃപൂര്‍വമല്ലാത്ത നരഹത്യയുള്‍പ്പെടെയുള്ള വകുപ്പുകള്‍ ചുമത്തിയാണ് നാലുപേര്‍ക്കെതിരെയും കേസെടുത്തിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha