സര്ക്കാരിന്റെ മദ്യനയത്തിന് ഭാഗിക അംഗീകാരം; ഫോര്സ്റ്റാര് ബാറുകള്ക്ക് പ്രവര്ത്തിക്കാമെന്ന് കോടതി
സര്ക്കാരിന്റെ മദ്യനയത്തിന് ഭാഗിക അംഗീകാരം നല്കി ഹൈകോടതി വിധി. സര്ക്കാര് തീരുമാനം ചോദ്യം ചെയ്ത് ബാറുടമകള് നല്കിയ ഹര്ജിയിലാണ് ജസ്റീസ് സുരേന്ദ്രമോഹന് വിധി പറഞ്ഞത്. ടു സ്റ്റാര്, ത്രീ സ്റ്റാര് ബാറുകള് പൂട്ടണമെന്നാണ് കോടതി വിധി. ഫോര് സ്റ്റാറിനു മുതലുള്ള ബാറുകള്ക്ക് പ്രവര്ത്തിക്കാമെന്നും കോടതി വ്യക്തമാക്കിയാതായാണ് സൂചനകള്. 32 ഫോര് സ്റ്റാര് ബാറുകളാണ് കേരളത്തില് ഉള്ളത്
സര്ക്കാരിന്റെ മദ്യനയം റദ്ദാക്കണമെന്നും ബാറുകള് പൂട്ടാനുളള ഉത്തരവ് പിന്വലിക്കണമെന്നും ആവശ്യപ്പെട്ട് ബാറുടമകള് നല്കിയ 83 ഹര്ജികളിലാണ് സിംഗിള് ബെഞ്ച് പരിഗണിച്ചത്. കോണ്ഗ്രസ് നേതാവും രാജ്യത്തെ പ്രമുഖ അഭിഭാഷകനായ കപില് സിബലായിരുന്നു സര്ക്കാരിനായി ഹാജരായത്. വാദം പൂര്ത്തിയായി ഒരുമാസത്തുനുശേഷമാണ് ഹൈക്കോടതി വിധി പറഞ്ഞത്.
ഫൈവ് സ്റ്റാര് ഒഴികെയുളള സംസ്ഥാനത്തെ മുഴുവന് ബാറുകളും പൂട്ടാനായിരുന്നു സര്ക്കാര് തീരുമാനം, ഇപ്പോഴത്തെ മദ്യനയം കുത്തകകളെ സഹായിക്കാനാണെന്നും മദ്യവില്പ്പനയുടെ മൊത്തക്കച്ചവടം നേടാള് സര്ക്കാര് ശ്രമിക്കുകയാണെന്നുമായിരുന്നു ബാറുടമകള് വാദിച്ചത്. എന്നാല് സര്ക്കാരിന്റെ മദ്യനയത്തിന്റെ ഭാഗമായിട്ടാണ് നടപടിയെന്നും മദ്യലഭ്യത കുറയ്ക്കുകയാണ് ലക്ഷ്യമെന്നുമാണ് സര്ക്കാര് വാദിച്ചത്. ബാറുകള് പൂട്ടാനുളള തീരുമാനത്തെ ചോദ്യം ചെയ്യാന് ഉടമകള്ക്ക് അവകാശമില്ലെന്നും ലഹരിമരുന്ന് വില്പ്പന മൗലികാവകാശത്തിന്റെ ലംഘനമല്ലെന്നും വാദമുയര്ന്നിരുന്നു.ഡിവിഷന് ബെഞ്ചിനെ സമീപിക്കുമെന്നു ബാറുടമകള് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
