ചൊച്ചാഴ്ച രാവിലെ 9.15ന് വെള്ളറക്കാട് കൈതമാട്ടത്തിനു സമീപമാണ് അപകടം നടന്നത്. ജാനകി, മൂത്ത മകനെ സ്കൂൾ ബസ്സിൽ കയറ്റിവിടാൻ വരുമ്പോൾ കൂടെ വന്നതാണ് അലിഷ്. മൂത്ത മകനെ സ്കൂൾ ബസ്സിൽ കയറ്റി വിട്ട ശേഷം തിരിച്ച് താമസസ്ഥലത്തേക്ക് മടങ്ങുമ്പോഴാണ് അപകടം സംഭവിച്ചത്. വീട്ടിലേക്ക് പോകാനായി അലിഷ് റോഡ് കുറുകെ കടക്കുമ്പോൾ അമിത വേഗത്തിൽ വന്ന ടിപ്പർ ലോറി ഇടിക്കുകയായിരുന്നു.

ഉടനെ കുന്നംകളത്തെ സ്വകാര്യ ആശുപത്രിയിലെത്തിച്ചെങ്കിലും മരിച്ചു. സ്കൂൾ സമയത്ത്​ ടിപ്പർ ലോറികൾ ഓടാൻ പാടില്ലെന്ന നിയമം ലംഘിച്ചാണ് ടിപ്പർ ഓടിയത്. എരുമപ്പെട്ടി പൊലീസ് അന്വേഷണം ആരംഭിച്ചു.