സംസ്ഥാനത്തെ ഒരു മെഡിക്കല്‍ കോളജിലെ ഓര്‍ത്തോവിഭാഗം ലെക്ചര്‍ക്ക് ബ്രസ്റ്റ് അലര്‍ജിയെന്ന് വിദ്യാര്‍ത്ഥിയുടെ പരിഹാസം. ഷാള്‍ ധരിക്കാതെ ക്ലാസില്‍ എത്തിയ വിദ്യാര്‍ത്ഥിനിയോട്, ആണ്‍കുട്ടികളുള്ള ക്ലാസില്‍ ഇങ്ങിനെ മാന്യമായി വസ്ത്രം ധരിച്ച് വരാമോ എന്ന് ഉപദേശിച്ചെന്ന് എം.ബി.ബി.എസ് വിദ്യാര്‍ത്ഥിയായ നിഥിന്‍ എസ്.ആര്‍ തന്റെ ഫെയിസ്ബുക്കില്‍ കുറിച്ചു. നിഥിന്‍ തിരുവനന്തപുരം മെഡിക്കല്‍ കോളജിലെ സ്റ്റുഡന്റാണ്. അതുകൊണ്ട് സദാചാര പൊലീസായ അധ്യാപകന്‍ തിരുവനന്തപുരം മെഡിക്കല്‍കോളജിലാണ് പഠിപ്പിക്കുന്നതെന്ന് അനുമാനിക്കാം. സംഭവത്തില്‍ പ്രതികരിക്കണമെന്നുണ്ടായിരുന്നെങ്കിലും പല ആണ്‍കുട്ടികളും തലതാഴ്ത്തി ഇരിക്കുകയായിരുന്നു. അല്ലാണ്ട് വേറെ വഴിയില്ലെന്നാണ് ഇവര്‍ പറയുന്നത്. 

എത്ര ഒക്കെ ബോള്‍ഡ് ആണേലും ആ ഒരു നിമിഷം സുഹൃത്ത് അനുഭവിച്ച മനസികവിഷമം ആലോചിക്കാവുന്നതെ ഉള്ളൂ. ബാക്കിയുള്ളവരുടെ പ്രശ്‌നങ്ങളില്‍ ഒരു മടിയും കൂടാണ്ട് ഇടപെടുന്ന ഒരാളാണ് ഈ സുഹൃത്ത്. ഇപ്പൊ വേറെ ആരും പ്രതികരിച്ചു കണ്ടില്ല.. ഇത് മെഡിക്കല്‍ ജീവിതമാണ്, ഇതൊക്കെ സ്ഥിരമല്ലേ എന്നൊക്കെ പറയുന്ന സഹപാഠികളാണ് ഇതിനൊക്കെ വളം വെച്ച് കൊടുക്കുന്നത്. ചൂഷണം ചെയ്യപ്പെടാന്‍ കാത്തു നിക്കുന്നവരെ ചൂഷണം ചെയ്തില്ലെങ്കില്‍ അല്ലേ അത്ഭുതം ഉള്ളൂ.! സ്വയം അങ്ങനെ ഒരു അനുഭവം വരുമ്പോ മാത്രല്ലേ എല്ലാര്‍ക്കും ഇതിന്റെ ഒക്കെ വേദന മനസിലാകുന്നത്..!!! അപ്പൊ അവരവരുടെ അവസരത്തിനായി കാത്തിരിക്കുക..! ആ പ്രൊഫസറെ കുറ്റപ്പെടുത്താന്‍ ഞാന്‍ ആരും അല്ല., എന്താണോ തുടര്‍ന്ന് വന്നത്,, അത് തന്നെ തുടരുന്നു..!അത്രേ ഉള്ളൂ.,എങ്കിലും പ്രൊഫസ്സര്‍ എന്ന പദവിയെ വിദ്യാര്‍ത്ഥിനികളെ മാനസികമായി തളര്‍ത്താന്‍ ഉള്ള അവകാശം ആയി ദയവു ചെയ്ത് കാണാതെ ഇരിക്കുക.

ആണും പെണ്ണും ഒന്നിച്ചു ഇരുന്നത് തന്നെ വളരെ വലിയ തെറ്റ് ആയി കണ്ട സദാചാരബോധത്തിന് ഉടമകളാണ് ഇതേ കോളജിലെ ഒരു വലിയ വിഭാഗം പ്രൊഫസര്‍മാര്‍..,, അപ്പൊ പിന്നെ!. അത് മാത്രല്ല.,, ജീന്‍സ് ഒക്കെ നിരോധിച്ചു കൊണ്ട് സര്‍ക്കുലറും ഇറങ്ങിയ ചരിത്രം ഉണ്ടേ..! കാലം ഇത്ര ഒകെ മാറീട്ടും മെഡിക്കല്‍ കോളേജ് പോലെ ഒരു സ്ഥാപനത്തില്‍ അവകാശങ്ങള്‍ക്ക് ഒക്കെ ഇതിനും മാത്രം പഞ്ഞം ആണല്ലോ എന്ന് ഓര്‍ക്കുമ്പോ ആണ് ഒരു ഇത്!