കോടതി വിധിക്കെതിരെ ഡിവിഷന്‍ ബെഞ്ചിനെ സമീപിക്കുമെന്ന് ബാറുടമകള്‍
സര്‍ക്കാരിന്റെ മദ്യനയത്തിന് ഭാഗിക അംഗീകാരം നല്‍കിയ ഹൈകോടതി വിധിക്കെതിരെ ബാറുടമകള്‍ നാളെ ഡിവിഷന്‍ ബെഞ്ചിനെ
സമീപിക്കും. ടു സ്റ്റാര്‍, ത്രീ സ്റ്റാര്‍ ബാറുകള്‍ പൂട്ടണമെന്നാണ് കോടതി വിധി. എന്നാല്‍ ഇന്നത്തെ കോടതി വിധി സര്‍ക്കാരിനാണോ ബാര്‍ ഉടമകള്‍ക്കാണോ അനുകൂലമെന്ന് പറയാന്‍ കഴിയില്ല. ഫൈവ് സ്റ്റാര്‍ ഒഴികെയുളള സംസ്ഥാനത്തെ മുഴുവന്‍ ബാറുകളും പൂട്ടാനായിരുന്നു സര്‍ക്കാര്‍ തീരുമാനം. എന്നാല്‍ വിധിയില്‍ ടു സ്റ്റാര്‍, ത്രീ സ്റ്റാര്‍ ബാറുകള്‍ പൂട്ടണമെന്നാണ്. ഈ വിധിക്കെതിരെ ഡിവിഷന്‍ ബെഞ്ചില്‍ അപ്പീല്‍ നല്‍കാനാണ് ബാര്‍ ഉടമകളുടെ തീരുമാനം.
ഹൈക്കോടതി വിധി വന്നതോടെ സംസ്ഥാനത്ത് പ്രവര്‍ത്തിച്ചിരുന്ന 312 ബാറുകള്‍ 62 ആയി ചുരുങ്ങും. 21 ഫൈവ് സ്റ്റാര്‍ ബാറുകള്‍, 33 ഫോര്‍ സ്റ്റാര്‍ ബാറുകള്‍, എട്ട് ഹെറിറ്റേജ് ബാറുകള്‍ എന്നിങ്ങനെയാണ് ഇനി സംസ്ഥാനത്ത് ഉണ്ടാവുക. എന്നാല്‍ സംസ്ഥാനത്ത് 33 ഫോര്‍ സ്റ്റാര്‍ ബാറുകളാണ് ഉള്ളത്. എന്നാല്‍ ഇതിലൊരു കുറവും കോടതി വരുത്തിയിട്ടില്ല.
കഴിഞ്ഞ ഏപ്രില്‍ ഒന്നിനാണ് നിലവാരമില്ലാത്ത 418 ബാറുകള്‍ അടച്ചുപൂട്ടാന്‍ സര്‍ക്കാര്‍ ഉത്തരവിട്ടത്. തുടര്‍ന്ന് ബാറുടമകളും സര്‍ക്കാരും തമ്മില്‍ നടന്ന നിയമയുദ്ധത്തിന്റെ വിധിയാണ് ഇന്ന് കോടതി പറഞ്ഞത്. നിലവാരം പുതുക്കിയാല്‍ ബാറുകള്‍ തുറക്കാന്‍ അനുവദിക്കാമെന്ന് മുഖ്യമന്ത്രി ഉമ്മന്‍ ചാണ്ടിയും എക്‌സൈസ് മന്ത്രി കെ.ബാബുവും നേരത്തെ തീരുമാനമെടുത്തിരുന്നു. എന്നാല്‍ പാര്‍ട്ടി തന്നെ ഇതിനെതിരെ രംഗത്തെത്തിയപ്പോള്‍ എല്ലാ ബാറുകളും പൂട്ടാനുള്ള സര്‍ക്കാര്‍ തീരുമാനം മുഖ്യമന്ത്രി പ്രഖ്യാപിക്കുകയായിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
