മുഖ്യമന്ത്രിയുടെ ദുരിതാശ്വാസനിധിയിലേക്ക് ഒരു മാസത്തെ ശമ്പളം നല്കാന് പറ്റാത്തവര് 22 ന് മുമ്പ് അറിയിക്കണം
മുഖ്യമന്ത്രിയുടെ ദുരിതാശ്വാസനിധിയിലേക്ക് ഒരു മാസത്തെ ശമ്പളം നല്കാന് വിമുഖതയുള്ള ജീവനക്കാര് ഈ മാസം 22 നകം അക്കാര്യം എഴുതി നല്കണം. ഇതു സംബന്ധിച്ചു ധനകാര്യ വകുപ്പ് മാര്ഗനിര്ദേശം പുറപ്പെടുവിച്ചു. മുമ്പ് സംഭാവന നല്കിയവര്ക്ക് അത് ഒരു മാസത്തെ ശമ്പളത്തുകയില് നിന്നു കുറവു ചെയ്യാം. മുമ്പു സംഭാവന നല്കിയതിന്റെ രസീത് സഹിതം ഡിഡിഇമാര്ക്ക് അപേക്ഷ നല്കണം.
സെപ്റ്റംബറിലെ ശമ്പളത്തിനു തുല്യമായ തുക പ്രോവിഡന്റ് ഫണ്ടില്നിന്നു ദുരിതാശ്വാസ നിധിയിലേക്ക് അടയ്ക്കാന് പ്രത്യേക അപേക്ഷ സമര്പ്പിക്കണം. മുപ്പതു ദിവസത്തെ ആര്ജിതാവധി സറണ്ടര് ചെയ്ത് ദുരിതാശ്വാസ നിധിയിലേക്ക് അടയ്ക്കാം. നടപ്പു വര്ഷം ഒരു തവണ ആര്ജിതാവധി സറണ്ടര് ചെയ്തവര്ക്ക് ഇനിയും മുപ്പതു ദിവസത്തെ അവധി അവശേഷിക്കുന്നുണ്ടെങ്കില് ഒരു തവണ കൂടി ആര്ജിതാവധി സറണ്ടര് ചെയ്യാം. പത്തു മാസം കൊണ്ട് മൊത്തം ശമ്പളം സംഭാവന ചെയ്യാന് സാധിക്കാത്തവര്ക്കു പിഎഫ് വായ്പാ തിരിച്ചടവിനു സെപ്റ്റംബറിലെ ശന്പളം മുതല് പത്തു മാസത്തേക്ക് അവധി അനുവദിച്ചു.
ന്നാല്, തിരിച്ചടവു കാലാവധിക്കു മുമ്പ് റിട്ടയര് ചെയ്യുന്ന ജീവനക്കാരുടെ തിരിച്ചടവില് ബാക്കിയുള്ള തുക അവരുടെ ഗ്രാറ്റുവിറ്റിയില് ക്രമീകരിക്കും. ശമ്പള കുടിശികയ്ക്ക് അര്ഹതയുള്ള ജീവനക്കാരുടെ കുടിശിക സംഭാവനയിലേക്ക് വരവു ചെയ്യാം. ഇങ്ങനെയുള്ളവരുടെ കുടിശിക ദുരിതാശ്വാസ നിധിയിലേക്കു വരവു ചെയ്ത ശേഷം ബാക്കിയുള്ള തുക ഒറ്റത്തവണയായോ പരമാവധി പത്തു ഗഡുക്കളായോ നല്കും. പുനര്നിര്മാണ പ്രവര്ത്തനങ്ങള്ക്കു മുപ്പതിനായിരം കോടി രൂപ വേണ്ടി വരുമെന്നും ഇതില് പതിനായിരം കോടി രൂപ റവന്യു വരുമാനത്തിലൂടെ സമാഹരിക്കാനാണ് സര്ക്കാര് ഉദ്ദേശിക്കുന്നതെന്നും ഉത്തരവില് വ്യക്തമാക്കുന്നുണ്ട്.
https://www.facebook.com/Malayalivartha
