നേരത്തെ തന്നെ ബിഷപ്പ് സ്ഥാനത്ത് നിന്നും രാജി വയ്ക്കാൻ ആലോചിച്ചിരുന്നു ; സഭയുടെ പ്രതിച്ഛായ തകർക്കുന്നത് മാധ്യമ വിചാരണയെന്ന് ജലന്ധര് ബിഷപ്പ് ഫ്രാങ്കോ മുളയ്ക്കല്
നേരത്തെ തന്നെ ബിഷപ്പ് സ്ഥാനത്ത് നിന്നും രാജി വയ്ക്കാൻ ആലോചിച്ചിരുന്നതായി ലൈംഗീകാരോപണത്തിന് വിധേയനായ ജലന്ധര് ബിഷപ്പ് ഫ്രാങ്കോ മുളയ്ക്കല്. രാജി വയ്ക്കലിൽ നിന്നും തന്നെ പിന്തിരിപ്പിച്ചത് സഹവൈദികർ എന്നുംഫ്രാങ്കോ മുളയ്ക്കല്. സഭയുടെ പ്രതിച്ഛായ തകർക്കുന്നത് മാധ്യമ വിചാരണയാണെന്നും ബിഷപ്പ്. ഒരു ദേശീയ മാധ്യമത്തിന് നല്കിയ അഭിമുഖത്തിലായിരുന്നു ഇക്കാര്യം വ്യക്തമാക്കിയത്.
അതേസമയം ബിഷപ്പിനെതിരായ ആരോപണം സഭയെയും ബിഷപ്പിനെയും ഇല്ലായ്മ ചെയ്യാനുളള ഗൂഢാലോചനയാണെന്നും ആരോപണം തെളിയുന്നത് വരെ മാധ്യമവിചാരണയില് മിതത്വം വേണം എന്നും ജലന്ധര് രൂപത പ്രസ്താവനയില് പറയുന്നു.
നാല് പേജുളള പ്രസ്തവന പുറത്തിറക്കിയ ജലന്ധര് രൂപത ആദ്യം പീഡനം നടന്നുവെന്ന് പറയുന്ന ദിവസം ബിഷപ്പ് കുറവിലങ്ങാട് മഠത്തിലല്ല താമസിച്ചത് എന്ന് പറയുന്നു. തൊട്ടടുത്ത ദിവസം കന്യാസ്ത്രീയുടെ വീട്ടിൽ നടന്ന ചടങ്ങിൽ ബിഷപ്പ് പങ്കെടുത്തു. കന്യാസ്ത്രീ വളരെ സന്തോഷത്തോടെ ബിഷപ്പിനെ സ്വീകരിച്ചു. പീഡിപ്പിച്ചിരുന്നുവെങ്കിൽ ഇങ്ങനെ സംഭവിക്കുമോയെന്നും പ്രസ്താവനയിൽ ചോദിക്കുന്നു.
കന്യാസ്ത്രീക്കെതിരെ ബന്ധു പരാതി നൽകിയ ശേഷമാണ് ബിഷപ്പുമായി അകന്നത് എന്നും രൂപത ചൂണ്ടിക്കാട്ടി.
അതേസമയം ബിഷപ്പ് ഫ്രാങ്കോ മുളയ്ക്കലിന്റെ അറസ്റ്റ് വൈകുന്നതിനെതിരായ കന്യാസ്ത്രീകളുടെ സമരം കൂടുതൽ ശക്തി പ്രാപിക്കുകയാണ്. കൊച്ചിയ്ക്ക് പുറമെ സെക്രട്ടേറിയേറ്റിന് മുന്നിലേക്കും ഇന്ന് സമരം വ്യാപിപ്പിക്കും. കേസിന്റെ തുടർനടപടികൾ ചർച്ച ചെയ്യാനുള്ള നിർണായക യോഗം ഇന്ന് കൊച്ചിയിൽ ചേരും.
സമരം വിപുലപ്പെടുത്തുന്നതിന്റെ ഭാഗമായി നടക്കുന്ന പ്രതിഷേധസംഗമത്തിൽ കുറവിലങ്ങാട് നിന്നുള്ള കന്യാസ്ത്രീകൾ പങ്കെടുക്കില്ല. കന്യാസ്ത്രീകള് നടത്തുന്ന സമരത്തോട് സഹകരിക്കരുതെന്ന് സിഎംസി സിസ്റ്റേഴ്സിന് നിര്ദേശം. സിഎംസി സുപ്പീരിയര് ജനറല് സഭയിലെ കന്യാസ്ത്രീകള്ക്കായാണ് സര്ക്കുലര് പുറത്തിറക്കിയത്. പ്രതിഷേധ ധര്ണകളുമായി സഹകരിക്കരുതെന്നും പ്രതികരണങ്ങള് പാടില്ലെന്നും നിര്ദേശമുണ്ട്. സമരത്തിനു പിന്തുണയേറിയ സാഹചര്യത്തിലാണ് സര്ക്കുലര്.പ്രതിഷേധസമരങ്ങളില് പങ്കെടുക്കരുതെന്നു കാട്ടി പുറത്തിറക്കിയ സര്ക്കുലര്.
https://www.facebook.com/Malayalivartha
