പമ്പയില് അടിഞ്ഞത് നാലു കോടിയോളം രൂപ വില വരുന്ന മണല്; വിശദമായ കണക്കെടുപ്പ് നാളെ മുതല് ആരംഭിക്കും
പ്രളയത്തിന് ശേഷം പമ്പ ത്രിവേണിയില് നാലു കോടി രൂപയോളം വിലവരുന്ന മണൽ അടിഞ്ഞതായി റിപ്പോര്ട്ട്. രണ്ടു കിലോമീറ്ററോളം പൊക്കത്തില് രൂപപ്പെട്ട മണല്ത്തിട്ടയുടെ വിശദമായ കണക്കെടുപ്പ് നാളെ മുതല് ആരംഭിക്കും.
പമ്പയുടെ പുനര്നിര്മാണത്തിന് അടിസ്ഥാന സാഹചര്യമൊരുക്കുന്നതിനും മാലിന്യം നീക്കുന്നതിനും ചുമതലയേറ്റ ടാറ്റാ പ്രോജക്ട്സ് ലിമിറ്റഡ് ഹില്ടോപ്പിലും പമ്പയുടെ സമീപത്തുമായി അഞ്ചിടങ്ങളില് മണല് ശേഖരിക്കുന്ന ജോലികള് തുടങ്ങി. മണല് ഏതൊക്കെ ആവശ്യത്തിനുപയോഗിക്കണമെന്നു ഹൈക്കോടതിയുടെ അഭിപ്രായം തേടും.
മണല്ത്തിട്ട മാറ്റി പമ്പയുടെ ആഴം തിരിച്ചുകൊണ്ടുവന്നില്ലെങ്കില് ചെറിയ മഴയ്ക്കു പോലും വെള്ളപ്പൊക്കമുണ്ടാകും. കക്കി ഡാമില്നിന്ന് ഒഴുകിയെത്തിയ മണല് പമ്ബയില്നിന്ന് 19 കിലോമീറ്റര് അകലെ അട്ടത്തോടുവരെ അടിഞ്ഞിട്ടുണ്ട്. നിലവില് ത്രിവേണിക്കു സമീപമുള്ളതു വാരിമാറ്റിയാല് മതിയെന്നാണു തീരുമാനം.
https://www.facebook.com/Malayalivartha
