മൂഡിനനുസരിച്ച് പെരുമാറുന്നയാളായിരുന്നു അന്തരിച്ച ബാലഭാസ്ക്കര്, സന്തോഷമായാലും സങ്കടമായാലും ദേഷ്യമായാലും എക്സ്ട്രീമായിരിക്കും അത് സഹിക്കാന് ഭാര്യ ലക്ഷ്മിക്കേ കഴിയൂ എന്ന് ബാലു പലതവണ പറഞ്ഞിട്ടുണ്ട്, ആ ശക്തി ഉപേക്ഷിച്ചാണ് ബാലു മകളുടെ ലോകത്തേക്ക് മറഞ്ഞ് പോയതെന്ന് ലക്ഷ്മി ഇതുവരെ അറിഞ്ഞിട്ടില്ല
ജീവിതത്തില് എല്ലാ കാര്യത്തിലും എക്സ്ട്രീമായിരുന്നു അന്തരിച്ച സംഗീതഞ്ജന് ബാലഭാസ്ക്കര്. തന്റെ ബലം ഭാര്യയാണെന്ന് അദ്ദേഹം പല അഭിമുഖങ്ങളിലും പറഞ്ഞിട്ടുണ്ട്. ആ ശക്തി ഉപേക്ഷിച്ചാണ് മകളുടെ ലോകത്തേക്ക് മറഞ്ഞ് പോയത്. സന്തോഷമായാലും സങ്കടമായാലും സംഗീതമായാലും എല്ലാം ബാല എക്സ്ട്രീമിലേ ചെന്ന് നില്ക്കൂ എന്നാണ് ലക്ഷ്മി അടുത്ത സുഹൃത്തുക്കളോട് പറഞ്ഞിട്ടുള്ളത്. ആശുപത്രി കിടക്കയില് നിന്ന് ജീവിതത്തിലേക്ക് മടങ്ങിവരുമ്പോള് തന്നെ കാത്ത് ബാലുവും മകളും ഇല്ലെന്ന സത്യം അറിയാതെ ലക്ഷ്മി ജീവിതത്തിലേക്ക് താമസിക്കാതെ മടങ്ങിയെത്തും.
പലരും ബാലഭാസ്ക്കറിനോട് പറഞ്ഞിട്ടുണ്ട് ഇത് പോലൊരു ഭാര്യയെ കിട്ടിയ നിങ്ങള് ഭാഗ്യവാനാണെന്ന്. എന്നാല് സ്റ്റേജില് കാണുന്നയാളല്ല യഥാര്ത്ഥ ഞാനെന്ന് ബാലഭാസ്ക്കര് പലതവണ പറഞ്ഞിട്ടുണ്ട്. വളരെ സെന്സിറ്റിവായ വ്യക്തിയാണ്. എന്നെ സഹിക്കാന് വലിയ പാടാണ്. ലക്ഷ്മിക്ക് എന്നെ നന്നായി അറിയാം. സന്തോഷം വന്നാലും ദേഷ്യം വന്നാലും ഞാന് ഏതറ്റംവരെ പോകുമെന്ന് അവള്ക്ക് നന്നായി അറിയാം. അതുകൊണ്ടാണ് ക്ലാസ് മുറിയില് നിന്ന് എന്റെ കൂടെ ജീവിതത്തിലേക്ക് ഇറങ്ങിവന്നത്. യൂണിവേഴ്സിറ്റി കോളജില് കണ്ഫ്യൂഷന് ടീം എന്നൊരു ബാന്ഡുണ്ടായിരുന്നു. അതിലെ സുഹൃത്തുക്കളും ട്യൂഷന് മാസ്റ്ററായിരുന്ന വിജയമോഹനുമായിരുന്നു സപ്പോര്ട്ട് ചെയ്തത്.
ഒളിച്ചോടിയ രാത്രി വിജയമോഹന് സാറിന്റെ വീട്ടിലാണ് കഴിഞ്ഞത്. പിറ്റേന്ന് വിവാഹം രജിസ്റ്റര് ചെയ്തു. എന്നിട്ട് അച്ഛനെ വിളിച്ച് പറഞ്ഞു, എന്റെ മാര്യേജ് കഴിഞ്ഞു. ഇങ്ങിനേ നിവൃത്തിയുള്ളെന്ന് പറഞ്ഞു. അന്ന് തന്നെ എറണാകുളത്ത് ചിറ്റപ്പന്റെ വീട്ടിലേക്ക് പോയി. രണ്ടാഴ്ച അവിടെ താമസിച്ച ശേഷമാണ് തിരുവനന്തപുരത്തേക്ക് വന്നത്. ലക്ഷ്മി വലിയ കംഫര്ട്ടാണ്. അത് തന്നെയാണ് ധൈര്യവും. പലപ്പോഴും ദേഷ്യപ്പെട്ട് സ്റ്റേജില് നിന്ന് വരെ ഇറങ്ങിപ്പോയിട്ടുണ്ട്. അങ്ങനെയുള്ള എന്റെ ബലം ലക്ഷ്മിതന്നെയാണ്- എന്നാണ് ബാലഭാസ്ക്കര് പലയാവര്ത്തി പറഞ്ഞത്.
https://www.facebook.com/Malayalivartha
