തൃശൂർ ജില്ലയിൽ കനത്ത മഴയെ തുടർന്ന് വ്യാഴാഴ്ച പ്രഖ്യാപിച്ച അവധി പിൻവലിച്ചു. ശനിയാഴ്ച ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് കലക്ടര്‍ പ്രഖ്യാപിച്ച അവധിയാണ് ഇന്ന് പിൻവലിച്ചത്. ജില്ലയിൽ പ്രഖ്യാപിച്ച റെഡ് അലർട്ട് പിൻവലിച്ച സാഹചര്യത്തിലാണ് കലക്ടർ അവധി പിൻവലിച്ചത്.

ജില്ലയിൽ മഴ ശക്തമല്ലെങ്കിലും മൂന്ന്​ ദിവസത്തേക്ക് ‘യെല്ലോ’ അലർട്ടുണ്ട്​. മുന്‍കരുതല്‍ നടപടികളുടെ ഭാഗമായി ഡാമുകളിൽ ജലനിരപ്പ്​ നിയന്ത്രിക്കുന്നുണ്ട്​. വാഴാനി ഒഴികെയുള്ള ഡാമുകളുടെ ഷട്ടറുകള്‍ ഉയര്‍ത്തി. പീച്ചി, ചിമ്മിനി, പെരിങ്ങൽകുത്ത്, ഷോളയാര്‍ ഡാം ഷട്ടറുകൾ കഴിഞ്ഞ ദിവസം തന്നെ ഉയര്‍ത്തിയിരുന്നു.

വെള്ളിയാഴ്​ച മുതല്‍ മത്സ്യബന്ധനത്തിന് കടലിലിറങ്ങരുതെന്ന് കര്‍ശന നിർദേശമുണ്ട്. അടിയന്തര സാഹചര്യം നേരിടാന്‍ ദുരന്തനിവാരണ സേനയുടെ ഒരു കമ്പനി ജില്ലയില്‍ തുടരുന്നു.