മീശ കത്തിച്ചവരെ കൊണ്ട് ക്ഷ വരപ്പിക്കാന് മാതൃഭൂമി; എന്തേ ലൈവ് വിടാത്തതെന്ന് ചോദിച്ച ഭക്തനോട് എന്ത് വിടണമെന്ന് ഞങ്ങള് തീരുമാനിക്കുമെന്ന് പറഞ്ഞ ചാനലുകാരന് ക്ഷമിക്കുക; നഷ്ടപ്പെട്ടുപോയ ഹിന്ദു വായനക്കാരെ തിരികെ പിടിക്കാന് തന്ത്രം റെഡി; അയ്യപ്പ രഹസ്യം വിപണിയിലിറക്കി പരമാവധി കൊയ്യാന് മാതൃഭൂമി ബുക്ക്സ്
മീശ നോവല് ഹിന്ദുക്കളെയാകെ വെറുപ്പിച്ചിരുന്നു. മഹാഭൂരിപക്ഷം ഹിന്ദു വായനക്കാരുള്ള മാതൃഭൂമി ബുക്സില് ഹൈന്ദവരെ അവഹേളിച്ചെന്ന തരത്തില് നോവല് വന്നതോടെ കുഴഞ്ഞു. മാതൃഭൂമി കൂട്ടത്തോടെ ബഹിഷ്കരിക്കുമെന്നായപ്പോള് മീശ പിന്വലിച്ചു. ഇതിനിടെ ശബരിമല വിഷയം വന്നപ്പോഴും മാതൃഭൂമി വീണ്ടും പഴി കേട്ടു. മാതൃഭൂമി ചാനലില് വിളിച്ച ഭക്തനോട് ചാനല് അധികൃതര് ദാഷ്ട്യത്തോടെ പറഞ്ഞത് വൈറലായി. ലക്ഷങ്ങള് പങ്കെടുത്ത നാമജപത്തില് എന്തേ ലൈവ് വിടാത്തതെന്ന് ചോദിച്ച ഭക്തനോട് എന്ത് വിടണമെന്ന് ഞങ്ങള് തീരുമാനിക്കുമെന്നാണ് ചാനലുകാര് പറഞ്ഞത്. എന്ത് വായിക്കണമെന്ന് ഞങ്ങളും തീരുമാനിക്കുമെന്ന് ഭക്തന് പറഞ്ഞത് വൈറലായി.
ഹിന്ദുക്കള്ക്ക് വേണ്ടി എന്തെങ്കിലും ചെയ്തില്ലെങ്കില് അടിത്തറയിളകുമെന്നു മനസിലാക്കിയ പത്രം അയ്യപ്പന്റെ വിഷയം ഏറ്റെടുത്തു. മുന്പേജില് തന്നെ വാര്ത്ത നല്കി. അതിനിടയ്ക്കാണ് മീശയുടെ കാര്യം ഓര്മ്മ വന്നത്. പുരകത്തുമ്പോള് തന്നെ വാഴ വെട്ടാന് പറ്റിയ അവസരം. അവരുടെ മാര്ക്കറ്റിംഗ് തന്ത്രം ഉണര്ന്നു. മീശ കത്തിച്ച അവരെ കൊണ്ടു തന്നെ അത് വാങ്ങിപ്പിക്കണം. അതിന് ഏറ്റവും നല്ല വഴിയാണ് ഭക്തി. അയ്യപ്പനെ വിറ്റ് കാശാക്കാന് മാതൃഭൂമി ഇറങ്ങിക്കഴിഞ്ഞു. ഇന്നത്തെ പത്രത്തില് അതിന്റെ പരസ്യവുമുണ്ട്. മാതൃഭൂമി ഡിസ്കൗണ്ട് മേളയില് അയ്യപ്പ രഹസ്യം വില്പനയ്ക്ക്. ഇതോടൊപ്പം മുപ്പത്തിമുക്കോടി ദേവതകളുടെ പുസ്തകങ്ങളുമുണ്ട്.
പരസ്യം ഇങ്ങനെയാണ്
മാതൃഭൂമി ബുക്സില് ഡിസ്കൗണ്ട് മേള
പുളിമൂട് പ്രസ് റോഡിലുള്ള മാതൃഭൂമി ബുക്സില് സംഘടിപ്പിച്ചിരിക്കുന്ന ഡിസ്കൗണ്ട് മേളയില് വൈവിധ്യങ്ങളായ ആദ്ധ്യാത്മിക പുസ്തകങ്ങളുടെ മികച്ച ശേഖരം. ശബരിമലയുടെ ആന്തരികതത്ത്വങ്ങളെ അനാവരണം ചെയ്യുന്ന ആചാര്യ എം.ആര് രാജേഷ് തയ്യാറാക്കിയ അയ്യപ്പരഹസ്യം എന്ന കൃതി മേളയില് ശ്രദ്ധേയമാകുന്നു. ഭാരതീയ പൈതൃകത്തില് അനുശാസിക്കുന്ന എല്ലാ അനുഷ്ഠാനങ്ങളെ കുറിച്ചും സൂക്ഷ്മതയോടും വിമര്ശന ബുദ്ധിയോടും കൂടി പ്രതിപാദിക്കുന്ന ഗ്രന്ഥമാണ് ഭാരതീയ ആചാരങ്ങളും അനുഷ്ഠാനങ്ങളും ഈ പുസ്തകം തയ്യാറാക്കിയിരിക്കുന്നത് എം പി നീലകണ്ഠന് നമ്പൂതിരിയാണ്.
മലയാളത്തിലെയും ഇംഗ്ലീഷിലെയും പ്രമുഖ പ്രസാധകരെ ഉള്ക്കൊളളിച്ച് നടത്തുന് ഡിസ്കൗണ്ട് മേളയില് പുരാണങ്ങള്, ഉപനിഷത്തുകള്, സഹസ്രനാമങ്ങള്, സ്തോത്രമാലകള്, ജ്യോതിഷം, കീര്ത്തനങ്ങള് തുടങ്ങി നിരവധി മേഖലകളില് നിന്നുള്ള പുസ്തകങ്ങളുണ്ട്.
സുബ്രഹ്മണ്യന് തിരുമുമ്പിന്റെ ശ്രീമദ്ദേവി മഹാഭാഗവതം, സ്വാമി ചിദാനന്ദപുരിയുടെ കര്മ്മ രഹസ്യം, ശ്രീരാമകൃഷ്ണ വചനാമൃതം(3 വാല്യം) ശ്രീമദ് ഭഗവത് ഗീതാരഹസ്യം, ഭഗവത്ഗീത ഒരു പുനര്വായന, അദ്ധ്യാത്മ രാമായണം, മഹാഭാഗവതം, സ്തോത്ര രത്നാകരം, ശ്രീനാരായണഗുരു കൃതികള്, സമ്പൂര്ണ്ണ ദേവി മാഹാത്മ്യം, ഹരിനാമ കീര്ത്തനം തുടങ്ങി നിരവധി ആദ്ധ്യാത്മിക പുസ്തകങ്ങള് മേളയിലുണ്ട്. പുസ്തകങ്ങള്ക്ക് ആകര്ഷകമായ വിലക്കിഴിവും ലഭ്യമാണ്. ദിവസവും രാവിലെ 10 മുതല് രാത്രി 8 വരെയാണ് പ്രവര്ത്തന സമയം. ഒക്ടോബര് 14 വരെയാണ് മേള സംഘടിപ്പിച്ചിരിക്കുന്നത്.
https://www.facebook.com/Malayalivartha
