ശബരിമലയിലെ യുവതീ പ്രവേശനത്തിനെതിരെ സ്ത്രീകള് തന്നെ തെരുവിലിറങ്ങിയപ്പോള് മഹിളാമോര്ച്ചയെ മുന് നിര്ത്തി യാത്ര ഹൈജാക്ക് ചെയ്യാന് ബി.ജെ.പി നീക്കം തുടങ്ങി, കാസര്കോട് നിന്ന് പമ്പയിലേക്ക് നടത്തുന്ന യാത്രയില് അയ്യപ്പഭക്തരെയും ഇതരമത വിശ്വാസികളെയും അണിനിരത്തും
ശബരിമലയില് യുവതികളെ പ്രവേശിപ്പിക്കാനുള്ള സുപ്രീംകോടതി വിധിക്കെതിരെ സംസ്ഥാനത്തെങ്ങും പ്രതിഷേധം ശക്തമാകുമ്പോള് മഹിളാമോര്ച്ചയെ മുന്നിര്ത്തി വന്ജനകീയ പ്രക്ഷോഭം സംഘടിപ്പിക്കാനുള്ള നീക്കം ബി.ജെ.പി അണിയറയില് തുടങ്ങിക്കഴിഞ്ഞു. ഇതിന്റെ ആദ്യഘട്ടമായി കാസര്കോട് നിന്ന് പമ്പയിലേക്ക് അയ്യപ്പഭക്തരെയും അയ്യപ്പസേവാസംഘം പ്രവര്ത്തകരെയും ഇതരമതവിശ്വാസികളെയും ഉള്പ്പെടുത്തി യാത്ര സംഘടിപ്പിക്കും. മഹിളാമോര്ച്ചാ നേതാവ് ശോഭാസുരേന്ദ്രന്റെ നേതൃത്വത്തിലായിരിക്കും യാത്ര. കാസര്കോട് നിന്ന് യാത്ര ആരംഭിക്കുമ്പോള് അയ്യായിരത്തോളം മുസ്്ലിം വിശ്വാസികളെ അണിനിരത്താനാണ് ബി.ജെ.പി തീരുമാനിച്ചിരിക്കുന്നത്.
യാത്ര മധ്യതിരുവിതാംകൂറിലെത്തുമ്പോള് ക്രിസ്തുമത വിശ്വാസികളെയും പങ്കെടുപ്പിക്കും. പല സഭകളും ഇതിനകം കോടതി വിധിക്കെതിരെ പ്രതികരിച്ചിട്ടുണ്ട്. അങ്ങനെ ആചാരങ്ങളും വിശ്വാസങ്ങളും സംരക്ഷിക്കുക എന്ന മുദ്രാവാക്യമുയര്ത്തി സര്വ്വമത യാത്രയാക്കി ഇതിനെ മാറ്റാനാണ് ബി.ജെ.പി നീക്കം. യുവതി പ്രവേശനം അനുവദിച്ച് കഴിഞ്ഞാല് നാളെയത് ഏകസിവില്കോഡിലേക്ക് നീങ്ങുമെന്ന് മുസ്്ലിം വിശ്വാസികള്ക്കും ക്രിസ്ത്യാനികള്ക്കും അറിയാം. അതിനാല് വിധി നടപ്പാക്കാതിരിക്കാന് അവരും മുന്കൈ എടുക്കുന്നു. ഭക്തരുടെ വികാരം മാനിക്കണമെന്ന് മുസ്്ലിംലീഗ് ദേശീയ ജനറല് സെക്രട്ടറി പി.കെ കുഞ്ഞാലിക്കുട്ടി പറഞ്ഞതും അതുകണ്ടാണ്.
മൗലികാവകാശം സംരക്ഷിക്കേണ്ടത് കോടതികളുടെ ഉത്തരവാദിത്തമാണെന്നും ദൈവത്തിന് മുന്നില് സ്ത്രീപുരുഷ വ്യത്യാസമില്ലെന്നും മുന് ചീഫ് ജസ്റ്റിസ് ദീപക്മിശ്ര വിധിച്ചതിനെ അദ്ദേഹം ഇന്നലെയും ന്യായീകരിച്ചു. നിലവില് വളരെ ചുരുക്കം സ്ത്രീകളാണ് മോസ്ക്കുകളില് പ്രവേശിക്കുന്നത്. നാളെ ഏതെങ്കിലും മുസ്ലിം വനിത സുപ്രീംകോടതിയെ സമീപിച്ചാല് അത് വിവാദമാകും. അതുപോലെ ക്രൈസ്തവ സഭകളില് വനിതകള് ബിഷപ്പ്മാരോ, വികാരികളോ ആകാറില്ല. നാളെ അങ്ങനയൊരു പരാതി സുപ്രീംകോടതിയിലെത്തിയാല് ശബരിമലവിധിയുടെ ചുവട് പിടിച്ച് അതും നടപ്പാക്കാന് ഉത്തരവിടേണ്ടിവരും.
സംസ്ഥാനത്തിന്റെ വിവിധഭാഗങ്ങളില് നടക്കുന്ന പ്രതിഷേധങ്ങളില് സ്ത്രീകളുടെ പങ്കാളിത്തം കൂടുതലാണ്. അതുപോലെ എല്ലാ മതവിഭാഗങ്ങളില് പെട്ടവരുടെയും പങ്കാളിത്തവുമുണ്ട്. ഇത് കൂടി മനസിലാക്കിയാണ് കോണ്ഗ്രസും ബി.ജെ.പിയും വിധി പറഞ്ഞ കോടതിയെ വിമര്ശിക്കാതെ അത് നടപ്പാക്കാനൊരുങ്ങുന്ന സര്ക്കാരിനെതിരെ തിരിഞ്ഞിരിക്കുന്നത്. ആര്.എസ്.എസ്- ബി.ജെ.പി കേന്ദ്രനേതൃത്വങ്ങള് വിധി നടപ്പാക്കണമെന്ന നിലപാടില് തന്നെയാണ്. പട്ടാളത്തെ വിളിച്ചാണെങ്കിലും സുപ്രീംകോടതി വിധി നടപ്പാക്കണമെന്നാണ് ബി.ജെ.പി നേതാവ് സുബ്രഹ്മണ്യം സ്വാമി പറഞ്ഞത് ശ്രദ്ധേയമാണ്.
https://www.facebook.com/Malayalivartha
