സൈനിക നിയമം പ്രഖ്യാപിച്ചാണെങ്കിലും ശബരിമലയില് ഭക്തകളെ പ്രവേശിപ്പിക്കണമെന്ന് ബി.ജെ.പി നേതാവ് സുബ്രഹ്മണ്യം സ്വാമി, ആര്ത്തവമുള്ള സമയത്ത് ദര്ശനം നടത്തണമെന്നല്ല കോടതി പറഞ്ഞത് അതുള്ളവര്ക്കെല്ലാം അവിടെ പോകാമെന്നാണ്, അയ്യപ്പന് നൈഷ്ഠിക ബ്രഹ്മചാരിയല്ലെന്നും അദ്ദേഹം വ്യക്തമാക്കി
പട്ടാളത്തെ വിളിച്ചാണെങ്കിലും ശബരിമലയില് യുവതികളെ പ്രവേശിപ്പിക്കണമെന്ന സുപ്രീംകോടതി വിധി നടപ്പാക്കണമെന്ന് ബി.ജെ.പി നേതാവ് സുബ്രഹ്മണ്യം സ്വാമി. വിധി ഭരണഘടനാപരമാണ്. എന്ത് വില കൊടുത്തും അത് നടപ്പാക്കണം. കേരളാ സര്ക്കാരിന് എല്ലാ പിന്തുണയും നല്കുന്നു. യുവതികളെ പ്രവേശിപ്പിക്കുന്നതിനെതിരെ ബി.ജെ.പി സമരം നടത്തുമെന്ന് പറഞ്ഞിട്ടില്ല. കേരളത്തില് നടക്കുന്ന പ്രക്ഷോഭങ്ങള് ചിലരുടെ വ്യക്തിപരമായ താല്പര്യങ്ങളാണെന്നും അദ്ദേഹം ഡല്ഹിയില് വ്യക്തമാക്കി.
ശബരിമല അയ്യപ്പന് നൈഷ്ടിക ബ്രഹ്മചാരിയാണെന്ന വാദം തെറ്റാണെന്നും സുബ്രഹ്മണ്യന് സ്വാമി വ്യക്തമാക്കി. ആര്ത്തവമുള്ള ദിവസങ്ങളില് സ്ത്രീകള് കാണാന് വരരുതെന്ന് അയ്യപ്പന് പറഞ്ഞിട്ടുണ്ടോ? അതെല്ലാം ചിലര് ഉണ്ടാക്കിവെച്ചതാണ്. സന്യാസിനിമാരും ഭക്തകളും അയ്യപ്പനെ കാണാന് വരരുതെന്ന് അദ്ദേഹം പറയില്ല. നിയമത്തിന് മുന്നില് എല്ലാവരും സമന്മാരാണ്. തത്വമസിയും അതാണ്. ആര്ത്തവം അയോഗ്യതയല്ല. മനുഷ്യരാശിയെ നിലനിര്ത്താനുള്ള പ്രകൃതിദത്തമായ അവസ്ഥയാണത്.
ആര്ത്തവമുള്ള സമയത്ത് ശബരിമലയിലേക്ക് പോകണമെന്നല്ല സുപ്രീംകോടതി പറഞ്ഞത്. ആര്ത്തവമുള്ള സ്ത്രീകള്ക്കും യുവതികള്ക്കുമെല്ലാം ശബരിമലയില് പോകാന് അവകാശമുണ്ടെന്ന് വ്യക്തമാക്കുകയാണ് കോടതി ചെയ്തത്. പോകണമോന്ന് തീരുമാനിക്കേണ്ടത് ഭക്തകളാണ്. ഒരു യുവഭക്ത ദര്ശനത്തിന് വന്നാല് അതിനുള്ള സൗകര്യം ഒരുക്കേണ്ടത് സര്ക്കാരിന്റെ ചുമതലയാണ്. പൊലീസിന് അതിന് സാധിച്ചില്ലെങ്കില് സൈനിക നിയമം പ്രഖ്യാപിച്ചായാലും സുപ്രീംകോടതി വിധി നടപ്പാക്കേണ്ട ബാധ്യത കേരള സര്ക്കാരിനുണ്ട്.
യുവതി പ്രവേശനത്തെ എതിര്ക്കാന് ബിജെപി കേന്ദ്രനേതൃത്വം തീരുമാനിച്ചിട്ടില്ലെന്നും സുബ്രഹ്മണ്യം സ്വാമി പറഞ്ഞു. വിധി നടപ്പാക്കുന്നതിനെതിരെ സമരം നടത്തുന്ന ബി.ജെ.പി സംസ്ഥാന നേതൃത്വത്തിനേറ്റ തിരിച്ചടിയാണ് സ്വാമിയുടെ വാക്കുകള്.
https://www.facebook.com/Malayalivartha
