നോണ്ക്രീമിലെയര് സര്ട്ടിഫിക്കറ്റിനായി ഇനി വില്ലേജ് ഓഫീസുകളില് ക്യൂ നില്ക്കേണ്ട
വിദ്യാഭ്യാസ ആവശ്യങ്ങളടക്കം നിരവധി ആവശ്യങ്ങള്ക്കായി വില്ലേജ് ഓഫീസുകളില് നിന്ന് ലഭിച്ചിരുന്ന ക്രീമിലെയര് സര്ട്ടിഫിക്കറ്റിനായി ഇനി അലയേണ്ട. പിന്നാക്ക വിഭാഗത്തിലെ ഉദ്യോഗാര്ത്ഥികള്ക്ക് തൊഴില് അപേക്ഷകള്ക്കും വിദ്യാര്ത്ഥികള്ക്ക് മെഡിക്കല്, എന്ജിനിയറിംഗ് അടക്കമുള്ള പൊതുപ്രവേശന പരീക്ഷകള്ക്കും അനിവാര്യമായ നോണ്ക്രീമിലെയര് സര്ട്ടിഫിക്കറ്റ് കിട്ടാന് മിക്കവാറും പല തവണ വില്ലേജ് ഓഫീസില് കയറിയിറങ്ങുന്നവരാണ് മിക്കവാറും . മെഡിക്കല് എന്ജിനീയറിംഗ് അടക്കമുള്ള പൊതുപ്രവേശന പരീക്ഷകള്ക്കും ഈ സര്ട്ടിഫിക്കറ്റ് അത്യാവശ്യമാണ്. അതിനാല് എത്ര ബുദ്ധിമുട്ടിയാലും അവര് അതിനായി വില്ലേജ് ഓഫീസില് കയറിയിറങ്ങുന്നു. എന്നാല് ഇനി ആശ്വസിക്കാം ഇവര്ക്ക്. ഇപ്പോള് അപേക്ഷ ഓണ്ലൈനായി കിട്ടുന്നതിന് സംവിധാനമൊരുങ്ങി.
ഐ.ടി മിഷന് തയ്യാറാക്കിയ പദ്ധതി നടപ്പാക്കാനാവശ്യമായ നിയമഭേദഗതിക്ക് സര്ക്കാര് അനുമതി നല്കിയാല് ഈ മാസം മുതല് നിലവില് വരും. പിന്നാക്ക സമുദായ സംവരണം കിട്ടുന്നതിന് നോണ് ക്രീമിലെയര് വരുമാന സര്ട്ടിഫിക്കറ്റ് നിര്ബന്ധമാണ്. കേന്ദ്രസര്ക്കാര് സ്ഥാപനങ്ങളില് ജോലിക്കും വിദ്യാഭ്യാസ സംവരണത്തിനും 8 ലക്ഷം രൂപയ്ക്ക് താഴെ വാര്ഷിക വരുമാനമുള്ള കുടുംബങ്ങള്ക്കും സംസ്ഥാനതലത്തിലെ സംവരണത്തിന് ആറുലക്ഷം രൂപയ്ക്ക് താഴെ വാര്ഷിക വരുമാനമുള്ളവര്ക്കുമാണ് നോണ് ക്രീമിലെയര് സര്ട്ടിഫിക്കറ്റ് ലഭിക്കുക.
കേന്ദ്ര സ്ഥാപനങ്ങളിലേക്കാണെങ്കില് താലൂക്ക് ഓഫീസിലും സംസ്ഥാനതലത്തിലാണെങ്കില് വില്ലേജ്ഓഫീസിലും നിന്നാണ് സര്ട്ടിഫിക്കറ്റ് നല്കുക. ഇതിനായി വരുമാനം, ജാതി, മേല്വിലാസം, ഐഡന്റിറ്റി എന്നിവ തെളിയിക്കുന്ന സര്ട്ടിഫിക്കറ്റുകളും റേഷന്കാര്ഡും ഹാജരാക്കണം. നിശ്ചിത ഫോറത്തില് അഞ്ചരൂപ സ്റ്റാമ്പ് പതിച്ചാണ് അപേക്ഷിക്കേണ്ടത്. എന്ജിനിയറിംഗ്, മെഡിക്കല് പൊതുപ്രവേശനപരീക്ഷയ്ക്ക് അപേക്ഷിക്കേണ്ട സന്ദര്ഭത്തില് ലക്ഷക്കണക്കിന് അപേക്ഷകരാണ് വില്ലേജ് ഓഫീസുകള് കയറിയിറങ്ങുന്നത്.
പുതിയസംവിധാനത്തില് വീട്ടിലിരുന്ന് ഓണ്ലൈനായും അക്ഷയകേന്ദ്രങ്ങള് വഴിയും ഇ.ഡിസ്ട്രിക്ട്ഓഫീസുകള് വഴിയും അപേക്ഷ നല്കാം. നിശ്ചിത ദിവസത്തിനുള്ളില് ഇതേകേന്ദ്രങ്ങളില് നിന്ന് ഡിജിറ്റല് ഒപ്പോടുകൂടിയ സര്ട്ടിഫിക്കറ്റ് കരസ്ഥമാക്കാം. ഡിജിലോക്കര് സംവിധാനമുള്ളവര്ക്ക് അതിലേക്ക് സര്ട്ടിഫിക്കറ്റ് എത്തും. അപേക്ഷ നല്കുമ്പോള് ഡിജിലോക്കര് കൈന്ഡിലിലൂടെ അപ്ലോഡ് ചെയ്യാനും സംവിധാനമുണ്ടാകും.
https://www.facebook.com/Malayalivartha
