ശബരിമലയ്ക്ക് വേണ്ടി ഒമ്പതാം തീയതി പി.സി. ജോര്ജ് എരുമേലിയില് ഭജന സമരമിരിക്കുന്നു; നഗരത്തില് പോസ്റ്റര് നിരന്നു; ഒരുത്തികളേയും എരുമേലി വഴി കടത്തി വിടില്ല; ഒരു ഹിന്ദു നേതാവും പറയാത്ത ആര്ജവത്തോടെ പി.സി. ജോര്ജ് അത് പറയുമ്പോള് ജനം അന്തം വിട്ടു; ഒരു പാര്ട്ടിയിലുമില്ലാത്ത പി.സി. ജോര്ജ് എങ്ങനെ എംഎല്എ ആയി എന്നതിന് ഉത്തരം
ഒക്ടോര് ഒമ്പതാം തീയതി എരുമേലി ശ്രദ്ധാകേന്ദ്രമാകുകയാണ്. ശബരി മലയ്ക്ക് വേണ്ടി, ഭക്തര്ക്ക് വേണ്ടി പിസി ജോര്ജ് എംഎല്എ ഉപവാസമിരിക്കുന്നു. ഷുഗറും കൊളസ്ട്രോളും അല്പമുണ്ടെങ്കിലും ഭക്തര്ക്ക് വേണ്ടി അത് ചെയ്യുമെന്നാണ് പിസി ജോര്ജ് പറയുന്നത്. തലസ്ഥാന നഗരത്തില് ഇത് സംബന്ധിച്ച പോസ്റ്ററുകളും നിരന്നു.
തന്റെ മണ്ഡലത്തില് ഉള്പ്പെടുന്ന എരുമേലി വഴി ഒരു സ്ത്രീയേയും ശബരിമലയിലേക്ക് കടത്തി വിടില്ലെന്ന്പി.സി ജോര്ജ് പറഞ്ഞത് വാട്സാപ്പില് പടരുകയാണ്. പന്തളം രാജകുടുംബം സംഘടിപ്പിച്ച പ്രതിഷേധ യോഗത്തില് സംസാരിക്കുന്നതിനിടെയാണ് ഭക്തരെ ആവേശഭരിതമാക്കിയത്. സ്ത്രീകള്ക്ക് ശബരിമലയില് പ്രവേശിക്കാമെന്ന സുപ്രീം കോടതി വിധിക്കിതിരെ റിവ്യൂ ഹര്ജി നല്കുമെന്നും പി.സി ജോര്ജ് കൂട്ടിച്ചേര്ത്തു,
പന്തളം രാജകുടുംബത്തിന്റെ നേതൃത്വത്തില് പന്തളം മെഡിക്കല് മിഷന് പരിസരത്ത് നിന്ന് വലിയ കോയിക്കല് ക്ഷേത്രത്തിലേക്കാണ് നാമജപയാത്ര നടത്തിയത്. സ്ത്രീകള് ഉള്പ്പെടെ നിരവധി ഭക്തരാണ് ഈ യാത്രയില് പങ്കെടുത്തത്. ശബരിമല വിഷയത്തില് കോടതിയല്ല ആചാര്യന്മാരും പന്തളം കൊട്ടാരവും തന്ത്രിയും ചേര്ന്നാണ് തീരുമാനമെടുക്കേണ്ടത് എന്നാണ് പ്രതിഷേധക്കാരുടെ ആവശ്യം. കൊച്ചിയില് പ്രതിഷേധക്കാര് റോഡ് ഉപരോധിക്കാന് ശ്രമിച്ചത് സംഘര്ഷത്തിന് ഇടയാക്കി. ആലപ്പുഴയില് പ്രതിഷേധിക്കാന് ശ്രമിച്ചവരെ പൊലീസ് അറസ്റ്റ് ചെയ്ത് നീക്കി.
https://www.facebook.com/Malayalivartha
