ബിഷപ്പുമാരും രാഷ്ട്രീയക്കാരും ഫ്രാങ്കോ മുളയ്ക്കലിനെ ജയിലില് സന്ദര്ശിക്കുന്നത് കേസ് അട്ടിമറിക്കാനുള്ള സാധ്യതകളിലേക്ക്... പീഡനത്തിനിരയായ കന്യാസ്ത്രീയെ സഭ വീണ്ടും അപമാനിക്കാനുള്ള നീക്കം നടത്തുകയാണ്; രണ്ടാംഘട്ട സമരത്തിനൊരുങ്ങി കന്യാസ്ത്രീകള്
മറ്റ് ബിഷപ്പുമാരും രാഷ്ട്രീയക്കാരും ഫ്രാങ്കോ മുളയ്ക്കലിനെ ജയിലില് സന്ദര്ശിക്കുന്നത് കേസ് അട്ടിമറിക്കാനുള്ള സാധ്യതകളിലേക്കാണ് വിരല് ചൂണ്ടുന്നതെന്ന് ആക്ഷന് കൗണ്സില് ആരോപിച്ചു. പൊതുവേദികളില് കന്യാസ്ത്രീകള്ക്കെതിരേ മോശം പരാമര്ശം നടത്തുന്ന പി.സി. ജോര്ജിനെ ഉപരോധിക്കാനും തീരുമാനിച്ചു. പി.സി ജോര്ജിനെതിരേ കുറ്റപത്രം തയ്യാറാക്കും.
സംസ്ഥാനവ്യാപകമായി ഒപ്പുശേഖരണം നടത്തി നിയമസഭാ സ്പീക്കര്ക്ക് നല്കാനും യോഗം തീരുമാനിച്ചു. ബിഷപ്പിനെതിരേ കന്യാസ്ത്രീ നടത്തിയ ലൈംഗികാരോപണത്തില് കന്യാസ്ത്രീയ്ക്കെതിരേ പിസി ജോര്ജ്ജ് എംഎല്എ പരസ്യമായ നിലപാട് എടുത്തിരുന്നു. പീഡനത്തിനിരയായ കന്യാസ്ത്രീയെ സഭ വീണ്ടും അപമാനിക്കാനുള്ള നീക്കം നടത്തുകയാണെന്ന് ആരോപിച്ചാണ് രണ്ടാം ഘട്ട സമരത്തിന് കന്യാസ്ത്രീകള് ഒരുങ്ങുന്നത്..
ബിഷപ്പ് ഫ്രാങ്കോയെ രാഷ്ട്രീയനേതാക്കള് ജയിലില് സന്ദര്ശിക്കുന്നതില് കടുത്ത പ്രതിഷേധം രേഖപ്പെടുത്താനും തീരുമാനമുണ്ട്. സേവ് അവര് സിസ്റ്റേഴ്സ് (എസ്.ഒ.എസ്.) ആക്ഷന് കൗണ്സിലിന്റെ നേതൃത്വത്തില് രണ്ടാംഘട്ട സമരപ്രഖ്യാപനവും സ്ത്രീസംഗമവും എറണാകുളം ചില്ഡ്രന്സ് പാര്ക്കില് നടന്നു. കേസില് റിമാന്ഡില് ആയിരുന്നു ബിഷപ്പ് ഫ്രാങ്കോ മുളയ്ക്കലിനെ പാലാ സബ് ജയിലിലെത്തി നേരത്തേ കെ എം മാണി എംഎല്എ സന്ദര്ശിച്ചതും വിവാദമായിരുന്നു.
രാഷ്ട്രീയക്കാരുടെ ജയില് സന്ദര്ശനം കന്യാസ്ത്രീ നല്കിയ പരാതി അട്ടിമറിക്കാനുള്ള ശ്രമമാണെന്ന് ആരോപണവും ഉയര്ന്നിരുന്നു. കന്യാസ്ത്രീയ്ക്കെതിരേ അധിക്ഷേപം നടത്തുകയും വിവിധ ചാനല് ചര്ച്ചകളില് അക്കാര്യം ഉന്നയിക്കുകയും ചെയ്തിരുന്നു.
https://www.facebook.com/Malayalivartha
