വിശ്വാസത്തെ രക്ഷിക്കാൻ ചോരപ്പുഴ ഒഴുകിയാലും ബിജെപി പിൻമാറില്ലെന്ന് സംസ്ഥാന അധ്യക്ഷൻ പി.എസ്.ശ്രീധരൻപിള്ള. ശബരിമലയോടും അയ്യപ്പനോടും കളിച്ചവരാരും രക്ഷപെട്ടിട്ടില്ലെന്നും, വിശ്വാസികളുടെ പ്രതീക്ഷയായ തീർഥാടന കേന്ദ്രത്തെ തകർക്കാനുള്ള ശ്രമമാണ് ഇത് എന്നും അദ്ദേഹം പറഞ്ഞു. 

ശബരിമല വിധി നടപ്പിലാക്കാനുള്ള സർക്കാർ നീക്കത്തിനെതിരെ മന്ത്രി കടകംപള്ളി സുരേന്ദ്രന്റെ കഴക്കൂട്ടത്തെ ഓഫിസിലേക്ക് ബിജെപി നടത്തിയ പ്രതിഷേധത്തിൽ സംസാരിക്കുകയായിരുന്നു എന്നും അദ്ദേഹം പറഞ്ഞു.

ഏതൊക്കെ ശക്തികൾ‌ എതിർത്താലും ശബരിമലയെ സംരക്ഷിക്കുമെന്ന് ബിജെപി പ്രതിജ്ഞ എടുത്തിട്ടുണ്ട്. അതിന്റെ ഭാഗമായാണ് ഈ പ്രതിഷേധം. എ.കെ.ഗോപാലനു പോലും ശബരിമലയുടെ വിശ്വാസത്തിനു മുൻപിൽ മുട്ടുമടക്കേണ്ടി വന്നുവെന്നും ശ്രീധരൻപിള്ള പറഞ്ഞു. പ്രതിഷേധത്തിനിടെ ചെറിയ തോതില്‍ സംഘര്‍ഷമുണ്ടായി. കുട്ടികളേയും സ്ത്രീകളേയും ഉൾപ്പെടെ പങ്കെടുപ്പിച്ചായിരുന്നു സമരം.