ശബരിമല സ്ത്രീപ്രവേശന വിഷയം പ്രതിരോധിക്കാന് പുതു തന്ത്രങ്ങള് മെനഞ്ഞ് പിണറായി സര്ക്കാര്; ആദ്യ ഘട്ടമെന്നോണം വനിതാ സംഗമം സംഘടിപ്പിക്കാൻ നീക്കം
ശബരിമലയില് പ്രവേശിക്കന് തയ്യാറായി ഏതെങ്കിലും സ്ത്രീകള് എത്തും മുന്നേ പ്രതിഷേധക്കാര് അവിടെ എത്തിയിരിക്കും എന്ന കാര്യത്തില് സംശമില്ല. അതുകൊണ്ടു തന്നെ പ്രതിരോധിക്കാന് പുതു തന്ത്രങ്ങള് മെനയുകയാണ് പിണറായി സര്ക്കാര്. ആദ്യ ഘട്ടമെന്നോണം വനിതാ സംഗമം സംഘടിപ്പിക്കാനാണ് നീക്കം. അതിനാല് കുടുംബശ്രീ പ്രവര്ത്തകരോട് വനിതാ സംഗമത്തില് പങ്കെടുക്കാന് സി.പി.എം നിര്ദ്ദേശം നല്കിക്കഴിഞ്ഞു. ജില്ലയില് സി.പി.എം ഭരിക്കുന്ന പഞ്ചായത്തുകളിലെ കുടുംബശ്രി പ്രവര്ത്തകരോട് വനിതാസംഗമത്തില് പങ്കെടുക്കണമെന്ന് പഞ്ചായത്ത് പ്രസിഡന്റുമാര് കര്ശന നിര്ദ്ദേശമാണ് നല്ിയിരിക്കുന്നത്.
ശബരിമല വിധിക്കെതിരെ നിലയ്ക്കലില് കുടില് കെട്ടിയുള്ള രാപകല് സമരം തുടരുന്നതിനിടെ പ്രതിരോധനീക്കവുമായി സിപിഎം. സ്ത്രീകളെ മുന്നിര്ത്തിയാണ് പ്രതിരോധം. ശബരിമല സ്ത്രീ പ്രവേശവിഷയത്തില് ഹിന്ദുസംഘടനകളുടെ സമരങ്ങളില് സ്ത്രീപങ്കാളിത്തം സജീവമായ സാഹചര്യത്തിലാണ് ഇത്. പത്തനംതിട്ട ജില്ലയില് തുടക്കമിടുന്ന വനിതാസംഗമം മറ്റ് ജില്ലകളിലും നടത്തും. കുടുംബശ്രീ പ്രവര്ത്തകരോട് വനിതാ സംഗമത്തില് പങ്കെടുക്കാന് സി.പി.എം നിര്ദ്ദേശം നല്കി.
പന്തളംകോട്ടാരം നടത്തിയ നാമജപഘോഷയാത്രയിലും തുടര്ന്ന് ഹിന്ദുസംഘടനകള് നടത്തിയ പ്രതിഷേധങ്ങളിലുമെല്ലാം വനിതാപങ്കാളിത്തം സജീവമായിരുന്നു. സ്ത്രീകളെ മുന്നിര്ത്തി ശബരിമലവിഷയം ഹിന്ദുസംഘടനകള് കെടാതെ നിലനിര്ത്തുന്ന സാഹചര്യത്തിലാണ് സി.പി.എം വനിതാസംഗമത്തിലൂടെ പ്രതിരോധത്തിനൊരുങ്ങുന്നത്. ഇന്ന് പത്തനംതിട്ട ജില്ലയില് ജനാധിപത്യമഹിളാ അസോസിയേഷന്റെ നേതൃത്വത്തില് നടക്കുന്ന വനിതാസംഗമം സി.പി.എം കേന്ദ്രകമ്മറ്റി അംഗം പി.കെ. ശ്രീമതി ഉദ്ഘാടനംചെയ്യും. മറ്റ് ജില്ലകളിലും ജനാധിപത്യമഹിളാ അസോസിയേഷനെ മുന്നിര്ത്തി സി.പി.എം വനിതാസംഗമത്തിലൂടെ പ്രതിരോധത്തിന് ശ്രമിക്കും.
ജില്ലയില് സി.പി.എം ഭരിക്കുന്ന പഞ്ചായത്തുകളിലെ കുടുംബശ്രി പ്രവര്ത്തകരോട് വനിതാസംഗമത്തില് പങ്കെടുക്കണമെന്ന് പഞ്ചായത്ത് പ്രസിഡന്റുമാര് കര്ശന നിര്ദ്ദേശം നല്കി. ജില്ലയില് പലയിടങ്ങളിലും ശബരിമല വിഷയത്തില് സ്ത്രികള് തന്നെ സമരത്തിന് മുന്നിട്ടിറങ്ങിയതോടെയാണ് സി.പി.എം പ്രതിസന്ധിയിലായത്. തുല്യനീതി മുദ്രാവാക്യമുയര്ത്തിയാണ് സി.പി.എം. പ്രതിരോധ ശ്രമം.
പര്ണശാല കെട്ടി ശരണം വിളികളുമായാണ് നിലയ്ക്കലില് സമരം തുടരുന്നത്. പന്തളം കൊട്ടാരത്തിന്റെയും വിവിധ ഹിന്ദു സംഘടനകളുടെയും പിന്തുണയും സമരത്തിനുണ്ട്. ആദിവാസികളെക്കൂടി ഉള്പ്പെടുത്തിയുള്ള രാപ്പകല് സമരമാണ് നിലയ്ക്കലില് നടക്കുന്നത്. പന്തളം കൊട്ടാരത്തിലെ പ്രതിനിധികള് ഇന്നലെ സമരവേദിയിലെത്തി പിന്തുണ അറിയിച്ചു. സംസ്ഥാനത്തിന്റെ വിവിധ മേഖലകളില് ഇന്ന് നാമജപ ഘോഷയാത്ര നടക്കും.
https://www.facebook.com/Malayalivartha
