ബ്രൂവറി അനുമതിയില് അന്വേഷണം ആവശ്യപ്പെട്ട് സമര്പ്പിച്ച ഹര്ജി ഹൈക്കോടതി തീര്പ്പാക്കി
ബ്രൂവറികള്ക്ക് അനുമതി നല്കിയതില് അന്വേഷണം ആവശ്യപ്പെട്ട് സമര്പ്പിച്ച ഹര്ജി ഹൈക്കോടതി തീര്പ്പാക്കി. അനുമതി റദ്ദാക്കിയ സാഹചര്യത്തിലാണ് ഹര്ജി തീര്പ്പാക്കിയത്. ചീഫ് ജസ്റ്റിസ് അധ്യക്ഷനായ ബെഞ്ചിനു മുമ്പാകെ രണ്ടാമത്തെ ഇനമായാണ് ഹര്ജി വന്നത്. സ്വതന്ത്ര ഏജന്സിയുടെ അന്വേഷണം ആവശ്യപ്പെട്ടായിരുന്നു ഹര്ജി. ഗുരുതരമായ നിയമപ്രശ്നങ്ങള് ഇതിലുണ്ട്, നിയമലംഘനം ഉണ്ടായി, സര്ക്കാര് ഉത്തരവ് റദ്ദാക്കിയാലും നിയമലംഘനം നിലനില്ക്കും എന്നായിരുന്നു ഹര്ജിയില് വാദം. ഇടുക്കി സ്വദേശിയാണ് ഹര്ജി നല്കിയത്. ബ്രൂവറി, ബ്ലെന്ഡിങ് കമ്പനികളെ കൂടാതെ എക്സൈസ് കമ്മീഷണര്, സംസ്ഥാന സര്ക്കാര് എന്നിവരെയും എതിര് കക്ഷികളാക്കിക്കൊണ്ടാണ് ഹര്ജി സമര്പ്പിച്ചിരുന്നത്.
ബ്രൂവറികള്ക്ക് അനുമതി നല്കിയ നടപടികളില് ഒരു തെറ്റുമില്ലെന്ന് മുഖ്യമന്ത്രി പിണറായി വിജയന് പറഞ്ഞു. എന്നാല് വിവാദം ഒഴിവാക്കാനാണ് ബ്രൂവറികള്ക്ക് അനുമതി നല്കിയ നടപടി റദ്ദാക്കിയതെന്നും പിണറായി ന്യായീകരിച്ചു. കൂടുതല് പരിശോധനയ്ക്ക് ശേഷം പുതിയ യൂണിറ്റുകള്ക്ക് അനുമതി നല്കുമെന്നും മുഖ്യമന്ത്രി കൂട്ടിച്ചേര്ത്തു.
നേരത്തെ അനുമതി നല്കിയതില് അഴിമതി നടന്നെന്ന് ആരോപിച്ച് പ്രതിപക്ഷം രംഗത്തെത്തിയിരുന്നു. ഇതിനു പിന്നാലെയാണ് സര്ക്കാര് അനുമതി റദ്ദാക്കിയിരുന്നു.
"
https://www.facebook.com/Malayalivartha
