കണ്ണൂര് ദേശീയപാതയില് ഗ്യാസ് ടാങ്കര് നിയന്ത്രണം വിട്ട് മറിഞ്ഞു, ഡ്രൈവര്ക്ക് പരിക്ക്, വാതകം മറ്റൊരു ടാങ്കറിലേക്ക് മാറ്റാനുള്ള നടപടി ആരംഭിച്ചു
ദേശീയപാതയില് വെള്ളൂരില് നിയന്ത്രണം വിട്ട ഗ്യാസ് ടാങ്കര് മറിഞ്ഞു. മംഗലാപുരത്ത് നിന്നും ഗ്യാസുമായി വരികയായിരുന്ന ടാങ്കറാണ് വെള്ളൂര് ഹൈസ്കൂളിന് സമീപം മറിഞ്ഞത്. വാതക ചോര്ച്ചയുണ്ടായിട്ടില്ല. പുലര്ച്ചെ അഞ്ചോടെയാണ് അപകടം. നിയന്ത്രണം വിട്ട ടാങ്കര് റോഡരികിലെ വൈദ്യുത പോസ്റ്റിടിച്ച് തകര്ത്ത് റോഡിന് കുറുകെ മറിയുകയായിരുന്നു.
ടാങ്കറിന്റെ പിന്ചക്രമുള്പ്പെടെയുള്ള ഭാഗം ചേസിസുമായി ബന്ധിപ്പിക്കുന്ന വെല്ഡിംഗ് അടര്ന്നതാണ് അപകട കാരണമായത്. അപകടത്തില് െ്രെഡവര് സേലം സ്വദേശി സതീഷിന് (26) പരിക്കേറ്റു. ഇയാളെ പയ്യന്നൂര് താലൂക്ക് ആശുപത്രിയില് പ്രവേശിപ്പിച്ചു. െ്രെഡവര് മാത്രമാണ് ടാങ്കറിലുണ്ടായിരുന്നത്. വിവരമറിഞ്ഞ് ഫയര്ഫോഴ്സും പോലീസും സ്ഥലത്തെത്തി. മംഗലാപുരം ഓയില് റിഫൈനറിയില് നിന്നുള്ള വിദഗ്ദര് സംഭവ സ്ഥലത്തെത്തി വാതകം മറ്റൊരു ടാങ്കറിലേക്ക് മാറ്റാന് നടപടി തുടങ്ങി. ഇതിന് ശേഷമേ മറിഞ്ഞ ടാങ്കര് ഉയര്ത്താന് കഴിയൂ.
https://www.facebook.com/Malayalivartha
