ഹൈക്കമാന്ഡ് അനുമതി നല്കിയതോടെ ശബരിമല വിഷയത്തില് കോണ്ഗ്രസ് പരസ്യസമരത്തിനിറങ്ങും, സമരം സംഘര്ഷാവസ്ഥയിലേക്ക് നീങ്ങുമ്പോള് കോണ്ഗ്രസ് കൂടി കളത്തിലിറങ്ങുമ്പോള് കേരളം മറ്റൊരു കലാപത്തിലേക്ക് നീങ്ങുമോ എന്ന ആശങ്കയിലാണ് യഥാര്ത്ഥ വിശ്വാസികള്
ലോകസഭാ തെരഞ്ഞെടുപ്പ് മുന്നില് കണ്ട് ശബരിമല വിഷയത്തില് നിലപാട് മാറ്റി സംസ്ഥാന കോണ്ഗ്രസ് നേതൃത്വം സമരത്തിനിറങ്ങി. ഇപ്പോള് എ.ഐ.സി.സി നേതൃത്വം കോണ്ഗ്രസിന്റെ സമരത്തിന് പിന്തുണ അറിയിച്ചതായി വക്താവ് രണ്ദീപ് സിംഗ് സുര്ജെവാല അറിയിച്ചു. ഇതോടെ ബി.ജെ.പിക്കൊപ്പം കോണ്ഗ്രസും കൈകോര്ക്കുകയാണ്. സമരം നടത്തുന്നതില് തന്നെ അധ്യക്ഷന് മുല്ലപ്പള്ളിയും വര്ക്കിംഗ് പ്രസിഡന്റ് കെ.സുധാകരനും തമ്മില് അഭിപ്രായഭിന്നത രൂക്ഷമാണ്.
ശബരിമല വിഷയം കൈകാര്യം ചെയ്യാന് മുന് ദേവസ്വം പ്രസിഡന്റ് പ്രയാര് ഗോപാലകൃഷ്ണനെ കോണ്ഗ്രസ് നിയോഗിച്ചിട്ടുണ്ടെന്ന് ഔദ്യോഗികമായി പറയുമ്പോള് തന്നെ കെ. സുധാകരന് പ്രശ്നത്തില് ഇടപെടുകയും ഇന്ന് പമ്പയില് സമരം നടത്തുകയും ചെയ്തു. കോണ്ഗ്രസ് നേതാവും മുന് ദേവസ്വം ബോര്ഡ് പ്രസിഡന്റുമായ ബി.രാമന് നായര് ബി.ജെ.പിയുടെ ഉപവാസ സമരം ഉദ്ഘാടനം ചെയ്തതും വിവാദമായി.
യുവതികളെ തടയില്ലെന്നാണ് മുല്ലപ്പള്ളി അറിയിച്ചിരുന്നത്. എന്നാല് പലയിടത്തും കോണ്ഗ്രസുകാര് യുവതികളെ തടഞ്ഞു. സുപ്രീംകോടതി വിധി വന്നപ്പോള് പ്രതിപകഷനേതാവ് രമേശ് ചെന്നിത്തലയും മുല്ലപ്പളളിയും സ്വാഗതം ചെയ്തിരുന്നു. ശബരിമലയില് സ്ത്രീ വിലക്കില്ലെന്നും നിയന്ത്രണമാണ് ഉണ്ടായിരുന്നതെന്നും അറിയിച്ചു. കോണ്ഗ്രസ് ഹൈക്കമാന്ഡും വിധിയെ സ്വാഗതം ചെയ്തു. എന്നാല് ഭക്തര് തെരുവിലിറങ്ങിയതോടെ കോണ്ഗ്രസ് നിലപാട് മാറ്റി. പത്തനംതിട്ടയില് പ്രതിപക്ഷനേതാവിന്റെ നേതൃത്വത്തില് ഉപവാസ സമരം നടത്തി. അതോടെ മാധ്യമങ്ങള് രൂക്ഷവിമര്ശനവുമായി രംഗത്തെത്തി. തുടര്ന്ന് നിലപാട് മയപ്പെടുത്തി.
പരസ്യമായി കോണ്ഗ്രസ് സമരത്തിനില്ലെന്നും നാമജപ സമരത്തില് ബി.ജെ.പിക്കൊപ്പം പ്രവര്ത്തകര് പങ്കെടുക്കുന്നതില് വിരോധമില്ലെന്നും പ്രതിപക്ഷനേതാവ് അറിയിച്ചു. സ്ത്രീകളെ പ്രവേശിപ്പിക്കുന്ന കാര്യത്തില് മുല്ലപ്പള്ളി വ്യക്തമായനിലപാട് ഇതുവരെ സ്വീകരിച്ചിട്ടില്ല എന്നതും ശ്രദ്ധേയമാണ്. ദേശീയപ്രസ്ഥാനത്തിന്റെ പാരമ്പര്യമുള്ള കോണ്ഗ്രസ് കേരളത്തെ പിന്നോട്ട് നയിക്കുകയാണെന്ന് മുഖ്യമന്ത്രി പിണറായി വിജയന് വിമര്ശിച്ചിട്ടും കാര്യമുണ്ടായില്ല. ബി.ജെ.പിക്കൊപ്പം വിശ്വാസികള് അണിനിരന്നപ്പോള് ഭയന്നാണ് കോണ്ഗ്രസ് ഹൈക്കമാന്ഡില് അഭയം തേടിയത്. സമരത്തിന് എല്ലാവിധ പിന്തുണയും കിട്ടിയില്ലെങ്കില് ബി.ജെ.പിക്കൊപ്പം ഭൂരിപക്ഷസമുദായമായ ഹിന്ദുക്കള് നില്ക്കുമെന്നാണ് പ്രതിപക്ഷനേതാവടക്കം ഹൈക്കമാന്ഡിനെ അറിയിച്ചത്. തുടര്ന്നാണ് അവര് സമരത്തിന് പച്ചക്കൊടി കാട്ടിയത്.
https://www.facebook.com/Malayalivartha
