ശബരിമലയിലെ സ്​ത്രീ പ്രവേശനത്തിലെ പ്രതിഷേധം സംഘർഷമായതോടെ മേഖലയിൽ നാളെ നിരോധനാജ്ഞ. കലക്ടർ നൂഹ് മുഹമ്മദാണ് ഇക്കാര്യം അറിയിച്ചത്. പമ്പ, നിലയ്ക്കൽ, സന്നിധാനം, ഇലവങ്കൽ എന്നിവിടങ്ങളിലാണ് നിരോധനാജ്ഞ പ്രഖ്യാപിച്ചത്. ആവശ്യമെങ്കിൽ നീട്ടുമെന്നും അദ്ദേഹം വ്യക്തമാക്കി.

സന്നിധാനത്തിന്‍റെ 30 കിലോമീറ്റർ ചുറ്റളവിലാണ് നിരോധനാ‍ജ്ഞ നിലവിൽ വരിക. തീർഥാടകർക്ക് നിരോധനാജ്ഞ ബാധകമല്ല. ഇതിന്‍റെ സമയപരിധി ഇപ്പോൾ തീരുമാനിച്ചിട്ടില്ല. സംഘർഷാവസ്ഥ തുടരുന്ന സാഹചര്യമാണെങ്കിൽ നിരോധനാ‍ജ്ഞ നീട്ടും.

സമീപഭാവിയിലൊന്നും ശബരിമലയിൽ നിരോധനാ‍ജ്ഞ ഉണ്ടായിട്ടില്ല. അത്യപൂർവമായ അക്രമസംഭവങ്ങൾ ശബരിമലയിൽ അരങ്ങേറിയ സാഹചര്യത്തിലാണ് ജില്ലാ ഭരണകൂടത്തിന്‍റെ കടുത്ത നടപടി.

തീർഥാടനം സുഗമമാക്കാൻ കർശനജാഗ്രതയിലാണ് പൊലീസ്. നിലയ്ക്കലിൽ നിന്ന് ഉൾപ്പടെ സമരക്കാരെ പൂ‍ർണമായി ഒഴിപ്പിയ്ക്കാനാണ് ഇപ്പോൾ പൊലീസിന് ഇപ്പോൾ ഉന്നതഉദ്യോഗസ്ഥർ നൽകിയിരിക്കുന്ന നിർദേശം.

ഇത് ആർ എസ് എസ് കരുതിക്കൂട്ടി സൃഷ്ട്ടിക്കുന്ന അക്രമമാണ് .സർക്കാർ കർശന നടപടികൾ സ്വീകരിക്കും .ഒരു തരത്തിലുള്ള അക്രമങ്ങളും അനുവദിക്കില്ലെന്ന് ദേവസ്വം മന്ത്രി കടകംപള്ളി സുരേന്ദ്രൻ വ്യക്തമാക്കി