ശബരിമലയിലെ യുവതീ പ്രവേശനത്തില് പ്രതിഷേധങ്ങൾ കെട്ടടങ്ങുന്നില്ല; സംസ്ഥാനത്ത് നാളെ ശബരിമല കര്മ സമിതിയുടെ ഹർത്താൽ; സമരത്തിന് ബിജെപി പിന്തുണ
അടിക്ക് തിരിച്ചടി നല്കി നാളെ ഹര്ത്താലിന് ആഹ്വാനം ബിജെപി രംഗത്ത്. രാവിലെ ആറുമണി മുതല് വൈകിട്ട് ആറുമണി വരെയാണ് ഹര്ത്താല്. ശബരിമല കര്മ സമിതി പ്രഖ്യാപിച്ചിരുന്ന ഹര്ത്താലിനാണ് ഇപ്പോള് ബിജെപിയും പിന്തുണ പ്രഖ്യാപിച്ചിരിക്കുന്നത്. ശബരിമലയിലെ യുവതീ പ്രവേശനത്തില് സമാധാനപരമായി പ്രതിഷേധിച്ച ഭക്തരെ പൊലീസ് ക്രൂരമായി തല്ലിച്ചതച്ചതിനാണ് ഹര്ത്താല് എന്നാണ് ബിജെപി അറിയിക്കുന്നത്
വിശ്വാസികള്ക്കെതിരെ നടക്കുന്ന പൊലീസ് ഭീകരതയില് പ്രതിഷേധിച്ച് സംസ്ഥാനത്ത് നാളെ ശബരിമല കര്മ്മ സമിതിയുടെ ഹര്ത്താല്. രാവിലെ ആറുമണി മുതല് വൈകിട്ട് ആറുമണി വരെയാണ് ഹര്ത്താല്.
ശബരിമലയിലെ യുവതീ പ്രവേശനത്തില് സമാധാനപരമായി പ്രതിഷേധിച്ച ഭക്തരെ പൊലീസ് ക്രൂരമായി തല്ലിച്ചതച്ചിരുന്നു.നിലയ്ക്കലില് വിശ്വാസികളുടെ സമരപ്പന്തല് പൊലീസ് പൊളിച്ച് നീക്കുകയും ഉപവാസത്തിലേര്പ്പെട്ടവര്ക്ക് നേരെ ലാത്തി വീശുകയും ചെയ്തു.ഉച്ചതിരിഞ്ഞ് നിലയ്ക്കല് വീണ്ടും യുദ്ധക്കളമായി. പ്രതിഷേധിച്ചവരെ പോലീസ് കല്ലെറിഞ്ഞോടിക്കുകയും വാഹനങ്ങള് തല്ലിത്തകര്ക്കുകയും ചെയ്തു.
പന്തളം രാജകുടുംബത്തിലെയും തന്ത്രി കുടുംബത്തിലെയും പ്രമുഖരെ പൊലീസ് കസ്റ്റഡിയിലെടുത്തു.നാളിതുവരെ പമ്പയില് ചേര്ന്നിരുന്ന അവലോകനയോഗം ദേവസ്വം മന്ത്രി കടകംപള്ളി സുരേന്ദ്രന് സന്നിധാനത്തിലാക്കിയ നടപടിയും വിശ്വാസികളെ വെല്ലുവിളിച്ചുകൊണ്ടായിരുന്നു.
https://www.facebook.com/Malayalivartha
