തുലാമാസ പൂജകൾക്കായി ശബരിമല നടതുറന്നപ്പോൾ നിലയ്ക്കലിലും പമ്പയിലും അക്ഷരാർത്ഥത്തിൽ അരങ്ങേറിയത് തെരുവ് യുദ്ദം തന്നെയാണ്. മലയിലെത്താൻ ശ്രമിച്ച നിരവധി സ്ത്രീകളെ സമരക്കാർ തടഞ്ഞു. വിശ്വാസികൾ നടത്തിയ സംഘർഷത്തിൽ സ്ത്രീകൾക്കും പോലീസുകാർക്കും ഉൾപ്പടെ നിരവധിപേർക്ക് പരിക്കേൽക്കുകയും ചെയ്തു. പ്രതിഷേധങ്ങൾ കനത്തതോടെ ശബരിമലയിലെത്താൻ ശ്രമിച്ച സ്ത്രീകൾ ലക്ഷ്യം ഉപേക്ഷിച്ചു മടങ്ങുകയുമുണ്ടായി.

യുവതി പ്രവേശനം നൽകിക്കൊണ്ടുള്ള പ്രതിഷേധങ്ങളും സമരങ്ങളും ഉയരുമ്പോൾ പ്രതികരണവുമായി എംപി പി.കെ.ശ്രീമതി രംഗത്തെത്തിയിരിക്കുകയാണ്. ഭക്തിയോ വിശ്വാസമോ ആണെങ്കിൽ അല്പം കാത്തിരുന്നിട്ടു പോയാൽ പോരെയെന്ന് പി.കെ.ശ്രീമതി പറഞ്ഞു.

"നട തുറന്ന ഉടനെ ഇന്നുതന്നെ ചിലർ ചാടിക്കയറി പോകുന്നത് സർക്കാരിന് പാര വെക്കാനാണോ എന്നു സംശയം' . ഇത് വ്യക്തിപരമായ അഭിപ്രായമെന്നും പി.കെ.ശ്രീമതി കൂട്ടിച്ചേര്‍ത്തു.