വിദേശ വനിതാ മാധ്യമ പ്രവര്ത്തകയെ തെറിവിളിച്ചെന്ന് ലൈവ് റിപ്പോര്ട്ട് ചെയ്ത് കൊണ്ടിരുന്ന ഏഷ്യാനെറ്റ് റിപ്പോര്ട്ടര് കമലേഷിനോട് അതേ ലൈവില് എത്തി പ്രതികരിച്ച് ഭക്തര്; നിങ്ങള് മാന്യമായി റിപ്പോര്ട്ട് ചെയ്യണം ഞങ്ങള് ആരെ തെറി വിളിച്ചു?
പൊലീസ് സംരക്ഷണത്തോടെ മലകയറിയ ന്യൂയോര്ക്ക് ടൈംസ് റിപ്പോര്ട്ടര് സുഹാസിനി രാജ് തിരിച്ചിറങ്ങി. മരക്കൂട്ടത്തില് യാത്ര അവസാനിപ്പിച്ച് സുഹാസിനി തിരിച്ച് ഇറങ്ങുകയായിരുന്നു. മരക്കൂട്ടത്തില് വച്ച് പ്രതിഷേധക്കാര് എതിര്പ്പുമായി രംഗത്തുവരുകയായിരുന്നു. സുഹാസിനിക്ക് നേരെ അസഭ്യ വര്ഷവും കയ്യേറ്റ ശ്രമവും ഉണ്ടായതായി ചാനലുകള് റിപ്പോര്ട്ട് ചെയ്തു. ഇത് ലൈവില് പറഞ്ഞു കൊണ്ടിരിക്കുകയായിരുന്നു ഏഷ്യാനെറ്റിന്റെ കമലേഷ്. വിദേശ വനിതാ മാധ്യമ പ്രവര്ത്തകയെ തെറിവിളിച്ചെന്ന് ലൈവ് റിപ്പോര്ട്ട് ചെയ്ത് കൊണ്ടിരുന്ന ഏഷ്യാനെറ്റ് റിപ്പോര്ട്ടര് കമലേഷിനോട് അതേ ലൈവില് എത്തി പ്രതികരിച്ചിരിക്കുകയാണ് ഭക്തര്. നിങ്ങള് മാന്യമായി റിപ്പോര്ട്ട് ചെയ്യണം ഞങ്ങള് ആരെ തെറി വിളിച്ചു? എല്ലാം ജനങ്ങല് കണ്ടു. കമലേഷ് പരിഭ്രമിച്ചു. അല്പനേരം റിപ്പോര്ട്ടിന് തടസം വന്നെങ്കിലും ഭക്തര് പോയതിനാല് ലൈവ് തുടര്ന്നു.
പോലീസ് പരമാവധി സംരക്ഷണം ഉറപ്പു നല്കിയെങ്കിലും സുഹാസിനിക്കൊപ്പമുള്ള ന്യൂയോര്ക്ക് ടൈംസിലെ മാധ്യമ പ്രവര്ത്തകന് ഈ എതിര്പ്പുമറികടന്ന് പോകേണ്ട എന്ന തീരുമാനത്തിലെത്തുകയായിരുന്നു.
പ്രതിഷേധക്കാരില്ലാത്ത സമയം നോക്കിയാണ് നട തുറന്ന് രണ്ടാം ദിവസം യുപി സ്വദേശിനി സുഹാസിനി രാജും ഒരു വിദേശ യുവാവും സന്നിധാനത്തേക്ക് പോകാന് കാനന പാതയിലെത്തിയത്. കനത്ത പൊലീസ് സുരക്ഷയിലാണ് ഇവര് മല കയറിയത്. ദര്ശനത്തിനില്ല, ജോലി സംബന്ധമായ ആവശ്യത്തിനാണ് താന് സന്നിധാനത്തേക്ക് പോകുന്നതെന്ന് സുഹാസിനി പറഞ്ഞിരുന്നു.
പമ്പയില് നിന്നുള്ള പ്രവേശന കവാടം കടന്ന് മുന്നോട്ട് പോകുംവരെ പ്രശ്നങ്ങള് ഒന്നും ഉണ്ടായില്ല. അതുകഴിഞ്ഞ് പരമ്പരാഗത കാനനപാത പിന്നിട്ട് മുകളിലേക്ക് കയറിയതോടെപ്രതിഷേധക്കാര് തടഞ്ഞിരുന്നു. എന്നാല് കനത്ത പൊലീസ് സുരക്ഷയില് മുന്നോട്ട് പോകുകയായിരുന്നു.
നിരവധി അന്വേഷണാത്മക റിപ്പോര്ട്ടുകള് തയ്യാറാക്കിയ ഇന്വെസ്റ്റിഗേറ്റിവ് ജേണലിസ്റ്റാണ് സുഹാസിനി.
https://www.facebook.com/Malayalivartha
