ആക്രമണത്തിനിരയായ നടിക്കെതിരെയും ദിലീപിനൊപ്പവും നിന്നവരെ തള്ളി മോഹന്ലാല് അമ്മയിലെ ആഭ്യന്തരപ്രശ്നം പരിഹരിച്ചു, രാജിവെച്ച നടിമാര്ക്ക് മാപ്പ് പറയാതെ തിരികെവരാമെന്നും അറിയിച്ചു
ഏറെ നാളായി അമ്മയില് നിലനിന്നിരുന്ന ആഭ്യന്തരപ്രശ്നം ദിലീപിന്റെ രാജി എഴുതിവാങ്ങി പ്രസിഡന്റ് മോഹന്ലാല് നൈസായിട്ട് പരിഹരിച്ചു. ഒപ്പം ദിലീപിനൊപ്പം നില്ക്കുന്ന ഭൂതഗണങ്ങളായ സിദ്ധിഖിനെയും കെ.പി.എ.സി ലളിതയേയും തള്ളിപ്പറഞ്ഞു. അപ്പോഴും സിദ്ധിഖിന്റെ ഗുണ്ടായിസം അമ്മയില് നടക്കില്ലെന്ന് വാട്സാപ്പ് ഗ്രൂപ്പില് പറഞ്ഞ ജഗദീഷിനെതിരെ ഒരക്ഷരം മിണ്ടിയില്ല എന്നതും ശ്രദ്ധേയമായി. സിദ്ധിഖും ജഗദീഷും തമ്മില് മുമ്പും അഭിപ്രായവ്യത്യാസം ഉണ്ടായിട്ടുണ്ടെന്നും അവരത് പരിഹരിക്കട്ടെ എന്നാണ് മോഹന്ലാല് പറഞ്ഞത്.
അമ്മയുമായി ഇടഞ്ഞ് നിന്ന പത്മപ്രിയയും രേവതിയും പാര്വതിയും മാപ്പ് പറയണമെന്ന കെ.പി.എ.സി ലളിത ചേച്ചിയുടെ പ്രസ്താവനയില് സ്ത്രീവിരുദ്ധത കടന്ന് വന്നിട്ടുണ്ടെന്ന് ജഗദീഷ് പറഞ്ഞിട്ടും മോഹന്ലാല് തിരുത്തിയില്ല. കാലം മാറിയില്ലേ? പഴയ നടപടിക്രമങ്ങള് അനുസരിച്ചാണ് ലളിത ചേച്ചി അങ്ങനെ പറഞ്ഞതെന്ന് മോഹന്ലാല് കൂട്ടിച്ചേര്ക്കുകയാണുണ്ടായത്. കഴിഞ്ഞ എക്സിക്യൂട്ടീവ് യോഗ തീരുമാനപ്രകാരമാണ് മോഹന്ലാലുമായി കൂടിയാലോചിച്ച് ജഗദീഷ് വാര്ത്താക്കുറിപ്പ് ഇറക്കിയത്. അതില് ദിലീപ് രാജിവെച്ച കാര്യം വ്യക്തമാക്കിയിരുന്നില്ല. തുടര്ന്നാണ് വലംകൈയായ സിദ്ധിഖും ലളിതയും വാര്ത്താസമ്മേളനം നടത്തിയത്.
ദിലീപിനെ പുറത്താക്കണമെന്നായിരുന്നു അമ്മയിലുളള ഡബഌൂ.സി.സി അംഗങ്ങളുടെ പ്രധാന ആവശ്യം അത് അംഗീകരിച്ചെന്നും മോഹന്ലാല് വ്യക്തമാക്കി. രാജിവെച്ച് പുറത്ത് പോയ നടിമാര് അപേക്ഷ നല്കിയാല് തിരിച്ചെടുക്കുന്ന കാര്യം പരിഗണിക്കാമെന്നും വ്യക്തമാക്കി. അപ്പോഴും ദിലീപ് അകത്തും എതിര് ചേരിയിലുള്ളവര് അകത്തുമാകും. അമ്മ എന്ന സംഘടന കെട്ടിപ്പടുക്കാന് ഏറെ വിയര്പ്പൊഴുക്കിയ ദിലീപിന് അത് കനത്ത തിരിച്ചടിയാണ്. സ്വന്തം വസ്തുവകകള് ഉള്പ്പെടെ പണയം വെച്ചാണ് ദിലീപ് ട്വന്റി ട്വന്റി എന്ന സിനിമ എടുത്തത്. അന്ന് മോഹന്ലാലും മമ്മൂട്ടിയും നൈസായിട്ട് മാറനിന്നു.
ഏറെക്കാലമായി ദിലീപിന്റെ കൈപ്പിടിയിലായിരുന്നു അമ്മ. അതിന് തുരങ്കംവയ്ക്കാന് വഴിയൊരുക്കിയതും ദിലീപ് തന്നെ. പരാമവധി ദിലീപിനെ സംരക്ഷിക്കാന് തങ്ങള് ശ്രമിച്ചെന്നും കാര്യങ്ങള് കൈവിട്ട് പോയതോടെയാണ് രാജി ആവശ്യപ്പെട്ടതെന്നും മോഹന്ലാലുമായി അടുത്തവൃത്തങ്ങള് പറയുന്നത്. സിദ്ധിഖും ഇടവേളബാബും അടക്കം ദിലീപിനൊപ്പം നിന്നവര് രാജിവെച്ച നടിമാര്ക്കെതിരെ ശക്തമായ നിലപാട് സ്വീകരിച്ചിരുന്നു. അത് അംഗീകരിക്കാനാവില്ലെന്ന് മോഹന്ലാല് വ്യക്തമാക്കിയിരുന്നു. എല്ലാവരേയും ഒരുമിച്ച് കൊണ്ടുപോവുകയാണ് ലക്ഷ്യമെന്നും അതുകൊണ്ട് അക്രമത്തിനിരയായ നടിക്കൊപ്പവും ദിലീപിന് വേണ്ടി പ്രാര്ത്ഥിക്കുകയും ചെയ്യുമെന്ന് പറഞ്ഞത്. ഒടുവില് അത് സത്യമായി.
https://www.facebook.com/Malayalivartha