യുവതി പ്രവേശനവുമായി ബന്ധപ്പെട്ട പ്രശ്‌നങ്ങളെല്ലാം മണ്ഡലകാലത്തിന് മുമ്പ് പരിഹരിക്കപ്പെടുമെന്ന് പ്രതീക്ഷിക്കുന്നതായി ശബരിമല നിയുക്ത മേല്‍ശാന്തി വാസുദേവന്‍ നമ്പൂതിരി. ധര്‍മം എവിടെ നിലനില്‍ക്കുന്നോ അവിടെ ഭഗവാന്‍ അവതരിക്കുമെന്ന് പറഞ്ഞിട്ടുണ്ട്. അതു പ്രകാരം ഭഗവാന്‍ അവതരിക്കുമെന്നും വാസുദേവന്‍ നമ്പൂതിരി മാധ്യമങ്ങളോട് പറഞ്ഞു. ശബരിമല മേല്‍ശാന്തിക്കൊപ്പം മാളികപ്പുറം മേല്‍ശാന്തി എം.എന്‍. നാരായണന്‍ നമ്പൂതിരിയും ദര്‍ശനം നടത്തിയിരുന്നു.
ദര്‍ശനത്തിനു ശേഷം തന്ത്രിയെയും ശബരിമല, മാളികപ്പുറം മേല്‍ശാന്തിമാരെയും ഇരുവരും കണ്ടു.