എഴുന്നള്ളിപ്പിന് പങ്കെടുക്കാന് ഇനി ആരോഗ്യ ക്ഷേമ സര്ട്ടിഫിക്കറ്റ് , ആന എഴുന്നെള്ളിന് ഇനി കൂടുതല് നിയന്ത്രണങ്ങള് വരുന്നു
ആനകളെ എഴുന്നള്ളിപ്പിന് പങ്കെടുപ്പിക്കുന്നതിന് നേരത്തെയുണ്ടായിരുന്ന ഫിറ്റ്നസ് സര്ട്ടിഫിക്കറ്റിന് പകരം ഇനി വനംവകുപ്പ് നല്കുന്ന ആരോഗ്യ ക്ഷേമ സര്ട്ടിഫിക്കറ്റ് കൂടി വേണം. നവംബര് എട്ടിനകം ആനകളുടെ ആരോഗ്യ രജിസ്റ്റര് തയ്യാറാക്കി പകര്പ്പ് കലക്ടര്മാക്കും ചീഫ് വൈല്ഡ് ലൈഫ് വാര്ഡനും സമര്പ്പിക്കണം. 40 വയസ്സിന് മുകളിലുള്ള എഴുന്നള്ളിപ്പ് ആനകള്ക്കാണ് രജിസ്റ്റര് തയ്യാറാക്കുന്നത്. നേരത്തെ ഏതെങ്കിലും വെറ്ററിനറി സര്ജന് ഫിറ്റ്നസ് സര്ട്ടിഫിക്കറ്റ് നല്കിയാല് മതിയായിരുന്നു.
ഇനി ഡി.എഫ്.ഒ, ആര്.എഫ്.ഒ, വൈല്ഡ് ലൈഫ് വെറ്ററിനറി സര്ജന്, അസി.സര്ജന്, ജില്ല വെറ്ററിനറി സര്ജന് എന്നീ മുഴുവന് പേരും പരിശോധിച്ച് റിപ്പോര്ട്ട് നല്കണം. ഈ റിപ്പോര്ട്ടിന്മേല് കലക്ടറുടെ നേതൃത്വത്തിലുള്ള നാട്ടാനപരിപാലന നിരീക്ഷണ സമിതിക്ക് മാത്രമേ ഇനി ആനകളെ എഴുന്നള്ളിപ്പിന് അനുവദിക്കാന് കഴിയൂ. എഴുന്നള്ളിപ്പിനിടയില് ആരോഗ്യം തൃപ്തികരമാണെന്ന് റിപ്പോര്ട്ട് ചെയ്തിട്ടുള്ള ആനകള് ഇടയാന് ഇടയായാല് ഓഫിസര്മാരെല്ലാം പ്രതികളാവും.
പരിക്കും മതിയായ ഭക്ഷണം, വെള്ളം, വിശ്രമം എന്നിവ അനുവദിക്കാത്തതും കനത്ത ചൂടില് നിര്ത്തുന്നതുമാണ് എഴുന്നള്ളിപ്പിനിടെ ആനകള് ഇടഞ്ഞോടുന്നതിന് കാരണമെന്നാണ് വനം വകുപ്പിന്റെ വിലയിരുത്തല്. ഈ അടിസ്ഥാനത്തിലാണ് ആരോഗ്യ ക്ഷേമ സര്ട്ടിഫിക്കറ്റ് നിര്ബന്ധമാക്കുന്നത്. മദകാലം എപ്പോള്, എന്നാണ് അവസാനമായി മദമൊഴുകിയത്, അടുത്ത മദകാലം എന്ന്, ഉണ്ടാക്കിയിട്ടുള്ള കുഴപ്പങ്ങള് എന്തെല്ലാം, ശരീരത്തിന്റെ ആരോഗ്യാവസ്ഥ എന്ത്, പരിക്കുകള് എന്തൊക്കെ, വൈകല്യങ്ങള്, ഇന്ഷൂറന്സ് ക്ലയിം നമ്പര് തുടങ്ങി ആനയുടെ വിശദാംശങ്ങള്ക്കൊപ്പം പാപ്പാന്റെ പരിശീലനം, തൊഴിലിലെ പ്രവൃത്തി പരിചയം, ആനയുമായുള്ള ഇടപഴകല്, അനുസരണ അസുഖ വിവരങ്ങള്, ഉടമയുടെ വിശദാംശങ്ങള് തുടങ്ങിയ വിവരങ്ങളാണ് ആരോഗ്യ രജിസ്റ്ററില് ഉള്പ്പെടുത്തുന്നത്. ഈ രജിസ്റ്റര് അനുസരിച്ച് ആനകള്ക്ക് നമ്പറും അനുവദിക്കും.
ഓരോ ആനകളുടെ വിവരങ്ങളും ഈ ആരോഗ്യ രജിസ്റ്ററില് പുതുക്കിക്കൊണ്ടിരിക്കും. രജിസ്റ്ററില് ഇല്ലാത്ത ആനകളെ വനംവകുപ്പ് കണ്ട് കെട്ടും. വിവരങ്ങള് വെബ്സൈറ്റിലും പ്രസിദ്ധീകരിക്കും. ആനകളുടെ രക്തം ശേഖരിച്ച പരിശോധനാവിവരങ്ങളും രജിസ്റ്ററിലുണ്ടാവും. ഇത് വിലയിരുത്തിയാണ് ആനകള്ക്ക് എഴുന്നള്ളിപ്പിന് കഴിയുന്നതാണോയെന്ന പരിശോധന നടത്തുക.
"
https://www.facebook.com/Malayalivartha
