ശബരിമല യിൽ മുൻപ് ഉണ്ടായിരുന്ന ആദിവാസികളുടെ അവകാശം അംഗീകരിക്കുവാൻ ആദിവാസി ദളിത് പ്രസ്ഥാനങ്ങൾ പ്രക്ഷോഭത്തിലേക്ക്. ഈ മാസം 29ന് സമരപരിപാടികളെ കുറിച്ച് ആലോചിക്കാൻ കോട്ടയത്ത് വിവിധ സംഘടനകളുടെ നേതൃകൺവെൻഷൻ വിളിച്ചു.

മുൻപ് ശബരിമലയിൽ മലയരൻമാർക്കുണ്ടായിരുന്ന അവകാശം തന്ത്രികുടുംബം തട്ടിയെടുത്തുവെന്ന് ആദിവാസിഗോത്രമഹാസഭ ഉൾപ്പടെയുള്ള ദളിത് സംഘടകൾ ആരോപിച്ചു . പന്തളം കൊട്ടാരത്തിനും തന്ത്രികുടുംബത്തിനും ശബരിമലയുടെ സമ്പൂർണ്ണ അധികാരം അവകാശപ്പെടാൻ കഴിയില്ല. ഈ പശ്ചാത്തലത്തിലാണ് ഇവർ പ്രക്ഷോഭവുമായി മുന്നോട്ട് വരുന്നത്.അതേസമയം,മലയരയ സമുദായത്തെയും കൂടെ കൂട്ടി ശബരിമലയിൽ അവകാശസ്ഥാപനപ്രക്ഷോഭം നടത്താനാണ് ആദിവാസിഗോത്രമഹാസഭ ഉൾപ്പടെയുള്ള സംഘടനകളുടെ തീരുമാനം എന്നാണ് വിവരം .
അതേസമയം, യുവതീ പ്രവേശനം സംബന്ധിച്ച സുപ്രീംകോടതി വിധി നടപ്പിലാക്കണമെന്ന് ആവശ്യപ്പെട്ട ഗീതാനന്ദൻ ഇക്കാര്യത്തിൽ ബിജെപിയുടേയും കോൺഗ്രസിന്റേതും സമീപനം ഇരട്ടത്താപ്പാണെന്നും ആരോപിച്ചു.
നേരത്തെ മലയരയമഹാസഭ ജനറൽ സെക്രട്ടറി പി കെ .സജീവൻ ശബരിമല തങ്ങളുടെ പൂർവികമാണെന്ന് പറഞ്ഞുകൊണ്ട് രംഗത്തെത്തിയിരുന്നു