തുലാമാസ പൂജയ്ക്കിടെ നിലയ്ക്കലിലും പമ്പയിലും നടന്ന അക്രമങ്ങളുമായി ബന്ധപ്പെട്ട് വ്യാപക അറസ്റ്റ് തുടരുന്നു... ശക്തമായ പ്രതിഷേധവുമായി ബി.ജെ.പി രംഗത്തെത്തി, നാളെ പത്തനംതിട്ടയില് പൊലീസ് സ്റ്റേഷന് മാര്ച്ച് നടത്തും ഐ.ജിമാരായ മനോജ് എബ്രഹാമിനും ശ്രീജിത്തിനും എതിരെ നടപടി വേണമെന്ന് ആവശ്യപ്പെട്ട് കഴിഞ്ഞദിവസം ഡി.ജി.പിക്ക് പരാതി നല്കിയിരുന്നു
ശബരിമല സംഘഷത്തിലെ പ്രതികളെ പൊലീസ് കൂട്ടത്തോടെ അറസ്റ്റ് ചെയ്യുമ്പോള് ബി.ജെ.പിക്ക് വീണ്ടും കളംനിറഞ്ഞാടാന് പിണറായി പൊലീസ് അവസരം ഒരുക്കുകയാണ്. കലാപം ഉണ്ടാക്കാന് ശ്രമിച്ചതിന് 2000 പേര്ക്കാണ് പത്തനംതിട്ട ജില്ലാ പൊലീസ് ആദ്യഘട്ടം ലുക്ക് ഔട്ട് നോട്ടീസ് പുറപ്പെടുവിച്ചത്. അതിലുള്ള ഭൂരിപക്ഷം പേരും ബി.ജെ.പി- ആര്.എസ്.എസ് പ്രവര്ത്തകരാണ്. 1407 പേരെ പൊലീസ് ഇതുവരെ അറസ്റ്റ് ചെയ്തു. 258 കേസുകളാണ് ഇതുവരെ പോലീസ് രജിസ്റ്റര് ചെയ്തത്.
പമ്പയിലും നിലയ്ക്കലിലും ആക്രമണം അഴിച്ച് വിട്ടവരെയും സന്നിധാനത്ത് സംഘര്ഷാവസ്ഥ സൃഷ്ടിക്കാന് ശ്രമിച്ചവരെയും ചാനല് ദൃശ്യങ്ങളും പൊലീസ് പകര്ത്തിയ ദൃശ്യങ്ങളും ഫോട്ടോകളും പരിശോധിച്ചാണ് ഇത്രയും പേരുടെ പട്ടിക പൊലീസ് തയ്യാറാക്കിയത്. അറസ്റ്റ് വ്യാപകമായതോടെ ബി.ജെ.പി ശക്തമായ പ്രതിഷേധവുമായി രംഗത്തെത്തി.
തിടുക്കപ്പെട്ട് തയ്യാറാക്കിയ തിരക്കഥയാണെന്ന് വ്യാപകമായ പരാതി ഉയര്ന്നിട്ടുണ്ട്. അക്രമകാരികളെന്ന് മുദ്രകുത്തി, നിരപരാധികളായ ആര്.എസ്.എസ് - ബി.ജെ.പി പ്രവര്ത്തകരെ കുടുക്കാനാണ് സര്ക്കാര് നീക്കം. ഇന്നലെ രാത്രി മുതല് ബി.ജെ.പി ആര്.എസ്.എസ് പ്രവര്ത്തകരുടെ വീടുകളില് പൊലീസ് തേടിയെത്തി. പലരെയും അറസ്റ്റ് ചെയ്തു. ഇതോടെ എതിര്പ്പുകള് ശക്തമായി. എല്ലാ ജില്ലയിലും പ്രത്യേകസംഘത്തെ നിയോഗിക്കും. റെയില്വെ സ്റ്റേഷനിലടക്കം ലുക്കൗട്ട് നോട്ടിസ് പതിപ്പിക്കും. പൊലീസ് നടപടിക്കെതിരെ കോടതിയെ സമീപിക്കുെമന്ന് ബിജെപി സംസ്ഥാന അധ്യക്ഷന് പി. എസ് ശ്രീധരന് പിള്ള കോടതിയെ അറിയിച്ചു.
അയ്യഭക്തരുടെ വാഹനങ്ങള് തടയുക, സ്ത്രീകളെയും യുവതികളെയും വാഹനങ്ങളില് നിന്ന് ഇറക്കിവിടുക, അസഭ്യംപറയുക, മര്ദ്ദിക്കുക, പൊലീസിന് നേരെ ആക്രമണം അഴിച്ചുവിടുക, നിയമവിരുദ്ധമായി സംഘംചേരുക, ഹര്ത്താലിന്റെ മറവില് ആക്രമണങ്ങള് അഴിച്ചുവിടുക, മാധ്യമപ്രവര്ത്തകരെയും അവരുടെ വാഹനങ്ങളെയും ആക്രമിക്കുക, ദര്ശനത്തിനെത്തിയ യുവതികള് മലകയറിയപ്പോള് തടയുക തുടങ്ങിയ കുറ്റകൃത്യങ്ങളാണ് പ്രതിപ്പട്ടികയില് ഉള്ളവര്ക്കെതിരെ ചുമത്തിയിട്ടുള്ളത്. എറണാകുളത്തുനിന്നും തൃപ്പൂണിത്തുറയില് നിന്നുമാണ് കൂടുതല് പേരെ അറസ്റ്റ് ചെയ്തത്. പത്തനംതിട്ട 170, കോഴിക്കോട് 31, എറണാകുളത്ത് 18, തിരുവനന്തപുരത്ത് 12 എന്നിങ്ങനെയാണ് അറസ്റ്റ് .
കലാപം ഉണ്ടാക്കാന് ശ്രമിച്ചവരുടെ ഫോട്ടോസ് സഹിതം പൊലീസ് ആല്ബം തയ്യാറാക്കിയ ശേഷം അതത് ജില്ലാ പൊലീസ് മേധാവികള്ക്ക് കൈമാറുകയായിരുന്നു. പാലക്കാട്, തൃശൂര്, കോട്ടയം, ആലപ്പുഴ ജില്ലകളിലും അറസ്റ്റുണ്ട്. തുലാമാസപൂജയ്ക്ക് നടതുറന്നപ്പോഴുണ്ടായ അതിക്രമങ്ങള് മണ്ഡലകാലത്തും ഉണ്ടാകാതിരിക്കാനുള്ള മുന്കരുതലിന്റെ ഭാഗമായാണ് അറസ്റ്റെന്ന് റിപ്പോര്ട്ടുണ്ട്. അറസ്റ്റില് പ്രതിഷേധിച്ച് ബി.ജെ.പി നാളെ പത്തനംതിട്ടയില് പൊലീസ് സ്റ്റേഷന് മാര്ച്ച് നടത്തും. പൊലീസ് പുറത്തുവിട്ട ചിത്രത്തില് പത്തനംതിട്ട എആര് ക്യാമ്പിലെ പൊലീസുകാരനായ ഇബ്രാഹിംകുട്ടിയുടെ ചിത്രം കയറിപ്പറ്റിയത് വിവാദമായി. സൈബര് സെല്ലിന് പറ്റിയ പിഴയാണ് ഇതെന്നാണ് വിശദീകരണം.
https://www.facebook.com/Malayalivartha
