ശബരിമല ദര്‍ശനം നടത്തുന്നതിനായി നെടുംമ്പാശേരി വിമാനത്താവളത്തില്‍ എത്തിയ തൃപ്തി ദേശായ്ക്ക് ആക്രമണം ഭയന്ന് വാഹനം വിട്ടുതരില്ലെന്ന് ടാക്‌സി ഡ്രൈവര്‍മാരും ഹോട്ടലുകാരും പറയുന്നതോടെ വെട്ടിലായത് സര്‍ക്കാരാണ്. ഇവര്‍ക്ക് ടാക്‌സികളൊന്നും ഓട്ടം പോകാന്‍ തയ്യാറാകുന്നില്ല. പ്രതിഷേധം ഭയന്നാണ് ടാക്‌സി ഡ്രൈവര്‍മാര്‍ യാത്രയ്ക്ക് തയ്യാറെടുക്കാത്തത്. ആദ്യം പ്രീപെയ്ഡ് ടാക്‌സി വിളിച്ചെങ്കിലും വാഹനത്തിന്റെ ഉടമകള്‍ക്ക് വിസമ്മദം അറിയിക്കുകയായിരുന്നു.

പ്രീപെയ്ഡ് ടാക്‌സി എതിര്‍പ്പുകള്‍ ഉയര്‍ന്നതോടെ ഓണ്‍ലൈന്‍ ടാക്‌സിയുടെ സേവനത്തിന് ശ്രമിക്കുകയായിരുന്നു. എന്നാല്‍ തങ്ങളുടെ ജീവനും വാഹനത്തിനും സുരക്ഷയില്ലെന്ന് ഓണ്‍ലൈന്‍ ടാക്‌സി ്രൈഡവര്‍മാര്‍ പറഞ്ഞു. വിളിക്കുന്ന ആളുകളോടുള്ള വ്യക്തിപരമായ ദേഷ്യംകൊണ്ടല്ല മറിച്ച് തങ്ങളുടെ സുരക്ഷ ഭയന്നാണ് വാഹനം വിട്ടുതരാത്തതെന്ന് അവര്‍ പറഞ്ഞു. നേരത്തെ മാധ്യമപ്രവര്‍ത്തകരുമായി പോയ ഓണ്‍ലൈന്‍ ടാക്‌സി സമരക്കാര്‍ അടിച്ചു തകര്‍ത്തിരുന്നു. അതിന് ഒരു തരത്തിലുള്ള നഷ്ടപരിഹാരവും ലഭിച്ചിട്ടില്ലെന്നും ഡ്രൈവര്‍മാര അറിയിച്ചു.

ഇന്ന് പുലര്‍ച്ചെ അഞ്ചു മണിയോടെയാണ് ഇന്‍ഡിഗോ വിമാനത്തില്‍ തൃപ്തി അടക്കമുള്ള ആറംഗസംഖം കൊച്ചിയിലെത്തിയത്. തുടര്‍ന്ന് ബിജെപി പ്രവര്‍ത്തകര്‍ പ്രതിഷേധം നടത്തിവരികയാണ്. സ്ത്രീകള്‍ അടക്കമുള്ള സംഖമാണ് വിമാനത്താവളത്തില്‍ പ്രതിഷേധിക്കുന്നത്. മൂന്നരമണിക്കൂര്‍ ആയി ഇവര്‍ വിമാനത്താവളത്തിനുള്ളില്‍ നില്‍ക്കുകയാണ്.
ഇനി പോലീസ് വാഹനത്തില്‍ എത്തിക്കുമൊ എന്നാണ് എല്ലാവരും നോക്കുന്നത്. അങ്ങിനെയെങ്കില്‍ വലിയ പ്രതിഷേധമാകുമുണ്ടാകുന്നത്. 

ശബരിമലയില്‍ 5 സ്ത്രീകളോടൊപ്പം തൃപ്തി ദേശായി എത്തുമെന്ന് കഴിഞ്ഞ ദിവസമാണ് വെളിപ്പെടുത്തിയത്. സുരക്ഷ ആവശ്യപ്പെട്ട് തൃപ്തി മുഖ്യമന്ത്രിക്ക് കത്ത് നല്‍കിയെന്നും അവര്‍ വ്യക്തമാക്കിയിരുന്നു. ദര്‍ശനം നടത്താതെ മടങ്ങില്ലെന്നും തൃപ്തി ദേശായി വ്യക്തമാക്കിയിരുന്നു. ശബരിമല ദര്‍ശനത്തിനെത്തുമ്പോള്‍ തന്റെയും കൂടെയുള്ളവരുടെയും മുഴുവന്‍ ചെലവും സംസ്ഥാന സര്‍ക്കാര്‍ വഹിക്കണമെന്നും തൃപ്തി ദേശായി മുഖ്യമന്ത്രിയോട് കത്തില്‍ ആവശ്യപ്പെട്ടിരുന്നു.

വിമാനത്താവളത്തില്‍ ഇറങ്ങിയാല്‍ തുടര്‍ന്ന് സഞ്ചരിക്കാന്‍ ഞങ്ങള്‍ വാഹനങ്ങളൊന്നും പറഞ്ഞിട്ടില്ല. വാടകയ്ക്ക് കാര്‍ വിളിച്ചാല്‍ ഞങ്ങള്‍ വഴിയില്‍ ആക്രമിക്കപ്പെടാന്‍ ഇടയുണ്ട്. അതുകൊണ്ട് ഞങ്ങള്‍ക്ക് സഞ്ചരിക്കാന്‍ സര്‍ക്കാര്‍ ഒരു കാര്‍ നല്‍കണം. അതുപോലെ, പതിനാറാം തീയതി കോട്ടയത്ത് ഞങ്ങള്‍ക്ക് താമസിക്കാന്‍ ഒരു ഗസ്റ്റ് ഹൗസോ ഹോട്ടലോ ക്രമീകരിക്കണം.

17ന് പുലര്‍ച്ചെ അഞ്ച് മണിക്ക് ഞങ്ങള്‍ കോട്ടയത്തുനിന്ന് പുറപ്പെടും. ഏഴുമണിയോടെ ദര്‍ശനത്തിനായി ഞങ്ങള്‍ ശബരില സന്നിധാനത്ത് എത്തും. ഈ സമയത്ത് നിയമം കയ്യിലെടുക്കുന്നവര്‍ക്കും ഞങ്ങളെ തടയാന്‍ നോക്കുന്നവര്‍ക്കും എതിരെ നടപടിയുണ്ടാകണമെന്നുമെല്ലാം തൃപ്തി ദേശായി കത്തില്‍ ആവശ്യപ്പെട്ടു. ഈ കത്തില്‍ ആവശ്യപ്പെട്ടിരിക്കുന്ന പ്രത്യേക സുരക്ഷ നല്‍കാനാവില്ലെന്നാണ് പൊലീസ് വ്യക്തമാക്കിയിരിരുന്നുവെങ്കിലും സുപ്രീം കോടതി 

ശബരിമലയിലെത്തുമെന്ന് പറഞ്ഞ തൃപ്തി ദേശായിക്ക് പ്രത്യേക സുരക്ഷ നല്‍കില്ലെന്ന് കേരള പൊലീസ് പറഞ്ഞു. മറ്റ് തീര്‍ഥാടകര്‍ക്ക് ലഭിക്കുന്ന എല്ലാ സുരക്ഷയും തൃപ്തിക്കും ലഭിക്കുമെന്നും പൊലീസ് വ്യക്തമാക്കി. പ്രതിഷേധം ഭയന്ന് എല്ലാവരും മാറുമ്പോള്‍ ഇതൊക്കെ നല്‍കാന്‍ തയ്യാറാണോയെന്നാണ് അറിയേണ്ടത്.